قازىرگى ۋاقىتتا ەكى اۋىسىم بويىنشا ەڭبەك ەتىپ جۇرگەن قۇرىلىسشىلار عيماراتتىڭ ىشكى ارلەۋ جۇمىستارىن باستاپ كەتكەن. كەشەن قۇرىلىسىمەن تانىسۋعا ارنايى بارعان وبلىس اكىمى جەڭىس قاسىمبەككە مەردىگەر كومپانييانىڭ باسشىسى اباي بايدىلداەۆ مۇنداعى جۇمىستاردىڭ جىل سوڭىنادەيىن اياقتالاتىنىن ايتتى.
ماماندار تاريحي-مادەني كەشەننىڭ ءىشى كىرپىشتىڭ ەرەكشە قالانۋىنىڭ ارقاسىندا كۇن رايىنىڭ قۇبىلۋىنا قاراماستان ءاردايىم جىلى بولىپ تۇراتىنىن ايتادى. عيماراتتىڭ ىشىندە جەزقازعانءوڭىرىنىڭ كيەلى جەرلەرىنە ارنالعان ەكسپوزيتسيالار مەن دەمونستراتسيالارعا ارنالعان زالدار بار. بۇل جەرلەردە ديزاينەرلەر تاريحي جازبالاردى قالپىنا كەلتىرىپ, بالاۋىز مۇسىندەردى سومدايتىن بولادى. سونداي-اق, جوبا اياسىندا تۋريستەر ءۇشىن قوناق ءۇي كەشەنى مەن اسحانا سالىنادى. ەڭ سوڭىندا كەشەن اۋماعى اباتتاندىرىلىپ, اينالا كوگال ەگىلەدى.
قازىرگى ۋاقىتتا كەشەننىڭ قاق تورىنە جوشى حاننىڭ بيىكتىگى بەس مەتر بولاتىن ەڭسەلى ەسكەرتكىشى تۇرعىزىلعان. الداعى ۋاقىتتا عيماراتتىڭ اينالاسىن ەتنو-اۋىل جايلايتىن بولادى. ۇلتتىق بۇيىمدار مەن اشەكەيلەر كورمەلەرىن وتكىزۋ ءۇشىن كيىز ۇيلەر مەن شاتىرلار تىگىلەدى.
بولاشاقتا جوشى حاننىڭ تاريحي-مادەني كەشەنىن التىن وردا ءداۋىرىن زەرتتەۋگە ارنالعان عىلىمي ورتالىققا اينالدىرۋ جوسپارلانعان. مۇندا وتاندىق جانە شەتەلدىك عالىمداردىڭ قاتىسۋىمەن عىلىمي كونفەرەنتسيالار مەن سيمپوزيۋمدار ۇيىمداستىرىلاتىن بولادى. بۇدان بولەك, اتالعان كەشەن بازاسىندا مەكتەپ وقۋشىلارى ءۇشىن كوشپەلى تاريح ساباقتارىن وتكىزۋ دە ويلاستىرىلعان.
جالپى, ۇلىق ۇلىس – التىن وردانىڭ 750 جىلدىعى قارساڭىندا سالىنىپ جاتقان جوشى حاننىڭ تاريحي-مادەني كەشەنى قازاق حالقىنىڭ وتكەنىنە قىزىعۋشىلىق تانىتقان جيھانكەز-ساياحاتشى قاۋىم ءۇشىن اتتىڭ تەرىن اياماي كەلەتىن عاجاپ مەكەن بولعالى تۇر.
قاراعاندى وبلىسى
