قازاقستان پارلامەنتى ءماجىلىسىنىڭ توراعاسى نۇرلان نىعماتۋلين مەن شۆەيتساريا كونفەدەراتسياسى پارلامەنتى كانتوندار كەڭەسiنiڭ پرەزيدەنتى فيليپپو لومباردي ەكى ەل اراسىنداعى پارلامەنتارالىق ىنتىماقتاستىقتى دامىتۋدىڭ وزەكتى ماسەلەلەرىن تالقىلادى.
قازاقستان پارلامەنتى ءماجىلىسىنىڭ توراعاسى نۇرلان نىعماتۋلين مەن شۆەيتساريا كونفەدەراتسياسى پارلامەنتى كانتوندار كەڭەسiنiڭ پرەزيدەنتى فيليپپو لومباردي ەكى ەل اراسىنداعى پارلامەنتارالىق ىنتىماقتاستىقتى دامىتۋدىڭ وزەكتى ماسەلەلەرىن تالقىلادى.
اتاپ ايتاتىن بولساق, حالىقارالىق پارلامەنتتىك ۇيىمدار اياسىندا قوس ەل پارلامەنتتەرىنىڭ ءوزارا ءىس-قيمىلىن نىعايتۋ, زاڭنامالىق سالادا تاجىريبە الماسۋ, سونداي-اق, ىنتىماقتاستىق جونىندەگى توپتار اراسىنداعى بايلانىستاردى ىنتالاندىرۋ ماسەلەلەرى ءسوز بولدى.
نۇرلان نىعماتۋلين ءماجىلىس جۇمىسىنىڭ باسىم باعىتتارىنا توقتالا كەلىپ, قازاقستان پرەزيدەنتى نۇرسۇلتان نازارباەۆتىڭ «قازاقستان-2050» ستراتەگياسىن زاڭنامالىق قامتاماسىز ەتۋ جولىندا اتقارىلىپ جاتقان ىستەرگە باسا نازار اۋداردى. قازاقستان ءۇشىن اتالعان مەملەكەتتىڭ يندۋستريالىق-يننوۆاتسيالىق دامۋ سالاسىنداعى تاجىريبەسى ەرەكشە قىزىعۋشىلىق تۋدىرادى.
ف.لومباردي ءوز كەزەگىندە حالىقتار اراسىنداعى ءوزارا ىنتىماقتاستىقتى جانە جالپى بەيبىتشىلىكتى نىعايتۋعا ىقپال ەتەتىندىكتەن, ەكى ەلدىڭ پارلامەنتارالىق بايلانىسىنىڭ ماڭىزى زور ەكەندىگىن اتاپ ءوتتى.
تاراپتار بارلىق سالا بويىنشا قازاقستان-شۆەيتساريا ءوزارا قارىم-قاتىناسىنىڭ دەڭگەيىن جوعارى باعالاي كەلىپ, وسى ىقپالداستىقتى ودان ءارى نىعايتۋ ەكى مەملەكەت باسشىلارىنىڭ دا ەتەنە بايلانىسىنا وزىندىك اسەر ەتەتىنىن تىلگە تيەك ەتتى.
ءماجىلىس توراعاسىنىڭ اتاپ وتكەنىندەي, شۆەيتساريا سوڭعى 5 جىل كولەمىندە كوشباسشىلىق دەڭگەيدەن تۇسپەي, يننوۆاتسيانىڭ الەمدىك ورتالىعىنا اينالۋدا. بىزدە, اسىرەسە, قازاقستان ەكونوميكاسىن جاڭعىرتۋ باعدارلاماسى اياسىندا ءوزارا ءتيىمدى ىنتىماقتاستىقتى نىعايتۋدىڭ كەرەمەت مۇمكىندىگى بار, دەدى ن. نىعماتۋلين.
سونداي-اق, ساۋدا-ەكونوميكالىق ارىپتەستىك, ورتالىق ازيا ايماعىنداعى قاۋىپسىزدىك, سونىڭ ءىشىندە, اۋعانستان ماسەلەلەرى دە كەزدەسۋشىلەر نازارىنان تىس قالمادى.
جۇزدەسۋ سوڭىندا ءماجىلىس سپيكەرى 2014 جىلى «بارشانىڭ مۇددەسى جولىندا قاۋىپسىزدىك قاۋىمداستىعىن قۇرۋ» ۇرانىمەن وتەتىن شۆەيتساريانىڭ ەقىۇ توراعالىعى اتالعان ايماقتا تۇراقتىلىق پەن قاۋىپسىزدىكتى كۇشەيتۋگە ايتارلىقتاي ۇلەس قوساتىنىنا سەنىم ءبىلدىردى.
