بۇگىندە ايلاكەرلەر ازاماتتاردىڭ دەربەس دەرەكتەرىن ءبىلىپ الىپ, ونىڭ اتىنا ميكروكرەديتتىك ۇيىمداردا نەسيە رەسىمدەپ, اقشامەن بىرگە ءۇشتى-كۇيلى جوعالىپ كەتۋدە.
وسىنداي وقيعالاردىڭ ءبىرى Instagram جەلىسىنىڭ قولدانۋشىسىندا بولعان. ول @Zhaloby_astana توبىندا بەلگىسىز قىزدىڭ حابارلاندىرۋ سايتى ارقىلى ودان تاۋار ساتىپ العانىن جازادى.
"سول كۇنى تۇندە SMS جازادى, ماعان كۇيەۋى قاتەلەسىپ اقشا اۋدارىپ, قايتا جىبەرۋدى سۇرايدى. باسقا بانكتىڭ كارتاسىنان 100 مىڭ تەڭگە تۇسەدى. مەن, تۇسىنىگى بار ادام رەتىندە, اقشانى كارتاعا قايتا اۋداردىم. اتالعان جايتتى ۇمىتىپ كەتكەننەن كەيىن, ەكى ايدان كەيىن ماعان كوللەكتورلىق كومپانيادان قوڭىراۋ شالىپ, قارىزدى قايتارۋدى سۇرايدى. ءسويتىپ, الگى قىز مەنىڭ اتىمنان ميكرونەسيە رەسىمدەگەن", دەيدى جەلى قولدانۋشىسى.
جابىرلەنۋشى پوليتسيا وكىلدەرىنەن كومەك سۇراعانىمەن, ولارعا قازىردىڭ وزىندە مىڭداعان ادامنىڭ ءىسى تۇرعانىن جانە الاياق ءالى دە بوستاندىقتا جۇرگەنىن ايتقان.
"الاياقتىڭ مەكەنجايىن ءوزىم تاۋىپ, قايدا تۇراتىنىن جانە نە ىستەيتىنىن ءبىلدىم. كوپبالالى انانىڭ التى بالاسى بار ەكەن", دەيدى ول.
بۇل وقيعاعا قاتىستى نۇر-سۇلتان پوليتسيا دەپارتامەنتىنىڭ ءباسپاسوز قىزمەتى تۇسىنىكتەمە بەرۋگە ۋادە بەردى.
