ەكولوگيا ءمينيسترى وسىنداي كەزدەسۋلەردى وڭىرلەردىڭ تۇرعىندارىمەن تۇراقتى تۇردە وتكىزىپ كەلەدى. تالقىلاۋ ناتيجەسىندە ءار وبلىس نەمەسە قالاداعى ەكولوگيالىق پروبلەمالاردى شەشۋ جونىندەگى جول كارتاسى دايىندالادى.
“وبلىس اكىمدەرى وڭىرلەر جۇرتشىلىعىمەن بىرگە ازىرلەنەتىن جول كارتالارىنا قول قويعاننان كەيىن ءبىزدىڭ وبلىستىق دەپارتامەنت باسشىلارى توقسان سايىن جۇرتشىلىق الدىندا ەسەپ بەرىپ, سونداعى شارالاردىڭ ورىندالۋى جونىندە تۇراقتى تۇردە بايانداپ وتىراتىنداي جۇمىس فورماتىنا كوشكىمىز كەلەدى”,- دەدى م. مىرزاعاليەۆ.
جول كارتاسىنا ەنگىزىلگەن شارالاردىڭ ىشىندە وڭىرلەردەگى جاسىل جەلەكتى كوبەيتۋ, قالدىق شىعارىندىلارىن ازايتۋ, قوعامدىق كولىكتەردى گازعا اۋىستىرۋ, اتموسفەرالىق اۋانىڭ ساپاسى تۋرالى تۇرعىنداردى LED-ەكراندار ارقىلى اقپاراتتاندىرىپ وتىرۋ جانە تاعى باسقا جوسپارلار بار.
بۇگىنگە دەيىن ەكولوگيا مينيسترلىگى 14 ونلاين-كەزدەسۋ وتكىزىپ, ارقايسىسى بويىنشا جول كارتاسى ازىرلەندى.
