«قازمەديا» ورتالىعىنىڭ جۋرناليستەر الدىنا شىققان كەزەكتى قوناعى ءماجىلىستىڭ قارجى جانە بيۋدجەت كوميتەتىنىڭ ءتورايىمى گۇلجان قاراعۇسوۆا بولدى. ول دا ەلباسى ن.نازارباەۆتىڭ ۇكىمەتتىڭ كەڭەيتىلگەن وتىرىسىندا ايتقان سىن-ەسكەرتپەلەرىنە ءوزىنىڭ پىكىرلەرىن ءبىلدىردى.
«قازمەديا» ورتالىعىنىڭ جۋرناليستەر الدىنا شىققان كەزەكتى قوناعى ءماجىلىستىڭ قارجى جانە بيۋدجەت كوميتەتىنىڭ ءتورايىمى گۇلجان قاراعۇسوۆا بولدى. ول دا ەلباسى ن.نازارباەۆتىڭ ۇكىمەتتىڭ كەڭەيتىلگەن وتىرىسىندا ايتقان سىن-ەسكەرتپەلەرىنە ءوزىنىڭ پىكىرلەرىن ءبىلدىردى.
ءبىز جۋىردا عانا 2013-2015 جىلدارداعى بيۋدجەتتىڭ انىقتالۋىن قارادىق. بيۋدجەتكە ەنگىزىلگەن 150 ملرد. تەڭگەنىڭ يگەرىلمەيتىندىگى انىقتالدى. ولار نەگىزىنەن «بايتەرەك», «استانانى دامىتۋ», ەكسپو-2017 جانە «بەينەۋ تەمىر جولى» سياقتى ءتورت باعىتتاعى باعدارلامالار بويىنشا ۇزىن سانى 11 بيۋدجەت اكىمگەرلەرى سۇراتقان قاراجات. بيۋدجەت اكىمگەرلەرىنىڭ وسىعان بايلانىستى تۇسىندىرمەلەرىن ءبىز كوميتەتتە تىڭدادىق, الايدا, ولاردىڭ ايتقان اڭگىمەلەرىنە ءبىز قاناعاتتانعان جوقپىز. جىل بويى بيۋدجەت بىرنەشە رەت انىقتالادى, سونىڭ وزىندە جىل قورىتىندىسى بويىنشا ۇكىمەت 30-40 ملرد. تەڭگەنىڭ يگەرىلمەي قالاتىندىعى تۋرالى ايتادى. وسىنىڭ ءوزى بيۋدجەتتى قاداعالاۋ ءتارتىبىنىڭ تومەندىگىن كورسەتەدى. ەلباسى ونى ورىندى سىنادى. ۇستىمىزدەگى جىلدىڭ شىلدە ايىندا پرەزيدەنت جاڭا بيۋدجەت ساياساتىن جاساۋ تۋرالى ءوزىنىڭ ارناۋلى جارلىعىمەن تاپسىرما بەردى. ەندى بيۋدجەت شىعىندارى سوڭعى ناتيجەمەن بايلانىستىرىلاتىندىعى تۋرالى بيۋدجەت تۋرالى زاڭعا جاڭا وزگەرىستەر ەنگىزىلەتىن شىعار. ءبىز قازىر سونى كۇتىپ وتىرمىز, دەدى گ.قاراعۇسوۆا. مەن مىنانى ەسكە سالار ەدىم, دەدى شەشەن, ءاربىر بيۋدجەت اكىمگەرلەرى دە, باسقالار دا بيۋدجەت قاراجاتىن مەملەكەتتىڭ اقشاسى دەپ تۇسىنەدى. ال مەملەكەتتىكى دەگەن دۇنيەنىڭ ءبارى ءاربىر قازاقستاندىق ازاماتتىكى ەكەنىن ۇمىتىپ كەتەدى. سوندىقتان دا «مەملەكەتتىكى» دەگەن بىرەۋدىكى ەمەس, ءوزىمىزدىڭ قاراجاتىمىز ەكەنىن ۇمىتپاۋىمىز كەرەك.
گ.قاراعۇسوۆا كەلەسى كەزەكتە سۇراقتارعا جاۋاپ بەردى. العاشقىسى بيۋدجەتتىڭ وسىنداي ولقىلىقتارمەن ورىندالاتىندىقتارىن قالاي جويۋعا بولادى, الدە بۇل قازىرگى ۇكىمەتتىڭ شالالىعىنان با؟ دەگەن سۇراق بولدى. بۇعان گ.قاراعۇسوۆا بۇل ۇكىمەتتىڭ شالالىعى ەمەس, بيۋدجەت تۋرالى زاڭنامانىڭ شالالىعىنان ەكەنىن ايتتى. بيۋدجەت تۋرالى زاڭنامانىڭ تالابى بويىنشا ۇكىمەت ءوزىنىڭ قاۋلىسىمەن بيۋدجەت تۋرالى وزدەرىنىڭ ۇسىنىستارىن, قورىتىندىسىن بەرەتىن قىزمەتتەرگە جولدايدى. وسىلاردىڭ اراسىندا ارتىقتارى دا جوق ەمەس. سوندىقتان ولاردى قىسقارتۋ كەرەك دەپ ويلايمىن. جاڭا بيۋدجەتتىك ساياسات تۋرالى تاپسىرمادا دا وسىنداي ۇسىنىستار بار, دەدى دەپۋتات.
كەلەسى سۇراق گ.قاراعۇسوۆانىڭ كەدەن وداعى تۋرالى ايتقان سىن-ءپىكىرلەرىنە قاتىستى بولدى. «24 كZ» ارناسىنىڭ ءتىلشىسى كەدەن وداعىنا ەنۋگە قول قويماس بۇرىن ونىڭ تيىمدىلىگى تۇبەگەيلى زەرتتەلگەن جوق دەگەن پىكىرلەر بار, ءسىز وسىعان كەلىسەسىز بە دەگەن سۇراق قويدى. وعان گ.قاراعۇسوۆا قازىرگى الەم تەگىسىمەن ينتەگراتسيالىق قۇرىلىمدار قۇرىپ جاتقاندا ءبىز دە ول ءۇردىستەن قالماۋىمىز كەرەك قوي دەگەنگە ساياتىن ەكىۇشتى جاۋاپ بەردى. سوندىقتان مەن كەدەن وداعىن قولدايمىن. بىراق كەيبىر شەشىلمەگەن ماسەلەلەر بارى راس, دەدى ول.
جاقسىباي سامرات,
«ەگەمەن قازاقستان».
