“بالىق شارۋاشىلىعىنداعى نەگىزگى پروبلەمانىڭ ءبىرى – كادر تاپشىلىعى. وسى سالاداعى بىلگەنىمىزبەن ءبولىسۋ ماقساتىندا بالىق مەكتەبىن اشتىق. سوندىقتان قازىر قازاق ۇلتتىق ۋنيۆەرسيتەتىمەن بىرلەسىپ, وقۋ ورنى بازاسىندا عىلىمي-وندىرىستىك ورتالىق اشىپ, ستۋدەنتتەرگە تەوريالىق ءبىلىم بەرىپ جاتىرمىز. سودان كەيىن بىزدە تاجىريبەدەن وتەدى دە, جۇمىسقا ورنالاسادى. قالاسا ءوزى شارۋاشىلىق اشادى”, - دەپ ءتۇسىندىردى شارۋاشىلىق ديرەكتورى.
بيىلدىڭ وزىندە شارۋاشىلىق ماماندارى 30 ادامدى وقىتقان. سونىڭ 10-ى جۇمىس ىستەۋگە قالعان.
“بالىقتى قالاي تاماقتاندىرۋ كەرەك, قانداي وتىرعىزۋ ماتەريالدارى قاجەت, ءبارىن كورسەتەمىز. بالىقتى اۋرۋلاردان ساقتاۋعا باعىتتالعان ۆاكتسيناتسيانىڭ جاسالۋ جولىن دا كورسەتەمىز. ال شارۋاشىلىقتىڭ وزىندەگى تولىق بازالىق كۋرستى 10 كۇندە وتۋگە بولادى”, - دەيدى م.ءتۇرسىنالى.
ماسەلەن, قازاق ۇلتتىق ۋنيۆەرسيتەتىنىڭ 4-كۋرسىنىڭ ستۋدەنتى جانسۇلۋ ۇرگەنىشباەۆا بالىق مەكتەبىن ءبىتىرىپ, يحتياپوتولوگ بولىپ جۇمىسقا تۇرىپ ۇلگەرگەن.
ء“بىز بالىقتىڭ اۋرۋعا شالدىقپاۋىنا جاۋاپ بەرەمىز. تەوريا مەن پراكتيكانى ۇشتاستىرىپ, جۇمىس ىستەپ جاتىرمىز. وقىعان ءبىر باسقا, كوزبەن كورىپ, قولمەن ۇستاعان ءبىر باسقا. سوندىقتان وسى ءادىس وتە ءتيىمدى. بالىقتاردىڭ اۋرۋ تۇرلەرى وتە كوپ. ءار اي سايىن دەزينفەكتسيا جاسايمىز. سۋدى تازالايمىز. بالىقتى ارنايى باسسەيندەرگە شومىلدىرامىز”,- دەيدى جاس مامان.
قازىر ەسىك بالىق شارۋاشىلىعىندا بالىقتىڭ 6 ءتۇرى وسىرىلەدى. ولار - حانبالىق, سازان, امۋر, ءدوڭماڭداي, بەكىرە, كلاريۋس سومى. 250 توننا فورەل, 50 توننا بەكىرە وندىرىلەدى. نەگىزگى تۇتىنۋشى – الماتى قالاسى مەن وبلىس حالقى.
ەسكە سالساق, مەملەكەت باسشىسى قاسىم-جومارت توقاەۆ حالىققا جولداۋىندا بالىق شارۋاشىلىعىنا ەرەكشە ءمان بەرۋ كەرەكتىگىن ايتقان. 2019 جىلى ەلىمىزدىڭ بالىق جانە بالىق ونىمدەرى نارىعىنىڭ جالپى كولەمى 66 مىڭ توننانى قۇرادى. قازاقستانداعى سۋ رەسۋرستارى 600 مىڭ تونناعا دەيىن بالىق ءوسىرىپ, ەكسپورتتى 10 ەسەگە ارتتىرۋعا مۇمكىندىك بەرەدى. سول سەبەپتى قازىر ەكولوگيا مينيسترلىگى شارۋالاردى قولداۋ ماقساتىندا بىرقاتار زاڭدارعا وزگەرىس ەنگىزىپ, سۋبسيديا بەرۋ جولدارىن قاراستىرىپ جاتىر.
