اقمولا وبلىسىنىڭ اكىمى قوسمان ايتمۇحامەتوۆ كوكشەتاۋعا كەلگەن استانا جانە قازاقستان ءميتروپوليتى الەكساندرمەن كەزدەستى. ميتروپوليت ءوڭىر باسشىسىنا كوكشەتاۋ جانە اقمولانىڭ جاڭا ەپيسكوپى سەراپيوندى تانىستىردى.
اقمولا وبلىسىنىڭ اكىمى قوسمان ايتمۇحامەتوۆ كوكشەتاۋعا كەلگەن استانا جانە قازاقستان ءميتروپوليتى الەكساندرمەن كەزدەستى. ميتروپوليت ءوڭىر باسشىسىنا كوكشەتاۋ جانە اقمولانىڭ جاڭا ەپيسكوپى سەراپيوندى تانىستىردى.
جۇزدەسۋ بارىسىندا وبلىستاعى ىرگەلى ىستەر جايىندا اڭگىمە ءوربىدى. وڭىردەگى ءوزارا تۇسىنىستىك پەن كەلىسىم شاپاعاتى رەتىندە وبلىس ديقاندارىنىڭ بيىلعى كۇردەلى وراقتا ءار گەكتاردان 12 تسەنتنەردەن استىق جيناۋى اتاپ كورسەتىلدى. ورتاق مۇددە جولىنداعى يگى جوسپارلار دا ءناتيجەلى اتقارىلىپ كەلەدى. بۇل وبلىستا تىركەلگەن 180 ءدىني بىرلەستىكتىڭ تۇرعىنداردى جاقسىلىق پەن باۋىرمالدىققا جۇمىلدىرىپ, مەملەكەتتىك باعدارلامالاردىڭ تابىستى ورىندالۋىنا مۇددەلىلىك تانىتۋىنىڭ جەمىسى دەپ باعالاندى.
وبلىستا ءدىني قىزمەت پەن ۇستانىمدارعا قۇرمەت سەزىمى قالىپتاسقان. قازىرگى كۇنى 100 مەشىت پەن 86 نامازحانادا, 25 پراۆوسلاۆيە ءشىركەۋىندە, 9 كاتوليك كوستەلىندە جانە 22 ۋاعىز ۇيىندە ءدىني ءىس-شارالار جۇرگىزىلۋدە.
ميتروپوليت وبلىستاعى ءدىني احۋالدىڭ تۇراقتىلىعىن, ەتنوسارالىق جانە كونفەسسياارالىق كەلىسىمدى ساقتاۋ مەن نىعايتۋدا ەلەۋلى جۇمىستار اتقارىلىپ وتىرعاندىعىن اتاپ كورسەتتى. سونىمەن قاتار, ول استانا قالاسىندا ورتالىق ازياداعى ەڭ ۇلكەن جانە ۇلىق حرام قۇرىلىسىنا ۇلەس قوسقانى ءۇشىن وبلىس اكىمى قوسمان ايتمۇحامەتوۆكە العىسىن ءبىلدىرىپ, «بلاگودارنوست» وردەنىمەن ماراپاتتادى.
ءميتروپوليتتىڭ وبلىسقا ساپارىندا ونىڭ جانىندا قاراعاندى جانە شاحتينسك ەپيسكوپى سەۆاستيان بىرگە بولدى.
باقبەرگەن امالبەك,
«ەگەمەن قازاقستان».
اقمولا وبلىسى.
