قازاقستان پرەزيدەنتىنە اۋىلدىق ەلدى مەكەندەردەگى تالشىقتى-وپتيكالىق جەلى بايلانىسىنىڭ قۇرىلىسىنا قاتىستى ءىرى جوبانىڭ جۇزەگە اسىرىلۋى جايىندا باياندالدى. بۇل جوبا جىل سوڭىنا دەيىن تولىق اياقتالۋعا ءتيىس.
قاسىم-جومارت توقاەۆقا كولەڭكەلى اينالىمدى ازايتۋ ماقساتىندا تاۋارلاردى تاڭبالاۋدى ەنگىزۋ بارىسى تۋرالى مالىمەت بەرىلدى.
بۇل جوباعا «قازاقتەلەكوم» اكتسيونەرلىك قوعامى وپەراتورلىق ەتەدى.
مەملەكەت باسشىسى كومپانيا جۇمىسىنىڭ ناتيجەلەرىنە وڭ باعا بەردى. سونىمەن قاتار حالىققا جانە بيزنەسكە جاڭا تسيفرلىق قىزمەتتەردى ۇسىنۋ, ينتەرنەت پەن ۇيالى بايلانىستىڭ قولجەتىمدىلىگىن كەڭەيتۋ جانە ساپاسىن ارتتىرۋ, سونداي-اق, وزگە بايلانىس وپەراتورلارىمەن بىرلەسىپ جۇمىس ىستەۋ باعىتتارىن دامىتۋ جونىندە بىرقاتار مىندەت جۇكتەدى.
