بۇل تۋرالى وبلىستىق پوليتسيا دەپارتامەنتىنىڭ ءباسپاسوز قىزمەتى ءمالىم ەتتى.
"بۇگىندە وبلىستا جول-كولىك وقيعالارىنىڭ 6,3 پايىزعا ازايعانى بايقالادى. جىل باسىنان بەرى 460 وقيعا تىركەلىپ, 39 ادام قازا تاۋىپ, 708 ادام جاراقات الدى. وتكەن جىلى 490 جول-كولىك وقيعاسى ورىن العان", دەدى ءباسپاسوز قىزمەتىندە.
ايتا كەتەيىك, پوليتسيا دەپارتامەنتى جول قوزعالىسى قاۋىپسىزدىگى ماقساتىندا باسقا ەلدەردىڭ تاجىريبەسىن ەسكەرە وتىرىپ, كوشەلەر مەن جولداردا زاماناۋي تەحنيكالىق قۇرالداردى ورناتۋ بويىنشا ۇسىنىستار ەنگىزدى.
ولاردىڭ اراسىندا: لازەرلىك جاياۋ جۇرگىنشىلەر وتكەلدەرى جانە جاياۋ جۇرگىنشىلەر وتكەلدەرىندە قوسىمشا جارىق كوزدەرىن ورناتۋ, كولىك قۇرالدارىنىڭ جاياۋ جۇرگىنشىلەر وتكەلدەرىنە جانە اپاتتىق قاۋىپتى ۋچاسكەلەرگە كىرەبەرىستەرىندەگى شۋلى جولاقتار, سفەرالىق اينالار, جەر ءۇستى جاياۋ جۇرگىنشىلەر وتكەلدەرىن ورناتۋ بار.
