قر ەڭبەك جانە حالىقتى الەۋمەتتىك قورعاۋ ۆيتسە-ءمينيسترى ەرلان اۋكەنوۆ وسى جىلدىڭ 1 جەلتوقسانىنا دەيىن قالالىق جانە اۋداندىق دەڭگەيدە جەتكىزۋشىلەردى پورتالدا اككرەديتتەۋ ءۇشىن كوميسسيا قۇرىلاتىنىن حابارلادى.
قر ەحاقم «ەڭبەك رەسۋرستارىن دامىتۋ ورتالىعى» اق قىزمەتكەرلەرى پورتالدا قىزمەت الۋشىلارمەن جانە جەتكىزۋشىلەرمەن جۇمىس ىستەۋ ءۇشىن قالالار مەن وبلىستاردىڭ الەۋمەتتىك قورعاۋ ورىندارىنىڭ ماماندارىن وقىتىپ ۇلگەردى.
قازىرگى ۋاقىتتا قىزمەت الۋشىلاردى ەلەكتروندى-تسيفرلى قولتاڭبا كىلتتەرىمەن قامتاماسىز ەتۋ بويىنشا جۇمىس جۇرگىزىلۋدە. جۇمىسپەن قامتۋ ورتالىقتارى بولسا, پورتالمەن قالاي جۇمىس جاساۋ كەرەكتىگىن تۇسىندىرەدى.
اعىمداعى جىلدىڭ تاجىريبەسى مەن تۇرعىنداردىڭ تىلەكتەرىن ەسكەرە وتىرىپ, قر ەحاقم بالالارعا الەۋمەتتىك توپتامانى بەرۋ ۇدەرىسىن جەتىلدىردى. وسى جىلدىڭ قىركۇيەك ايىندا ازىق-ت ۇلىك سەبەتتەرىنىڭ قۇرامى مەن كولەمىنە وزگەرىستەر ەنگىزىلدى. اتاپ ايتقاندا, ازىق-ت ۇلىك جيىنتىعى ساقتاۋ مەرزىمىن ۇزارتۋ ءۇشىن ۋلتراپاستەرلەنگەن سۇتپەن تولىقتىرىلدى. قاراقۇمىق جارماسىنىڭ ماۋسىمدىق جەتىسپەۋشىلىگىنە بايلانىستى كۇرىش تۇرىندە بالاما نۇسقا قاراستىرىلدى. سونداي-اق, بالالارعا ارنالعان جەمىس-جيدەك پەن كوكونىس پيۋرەسى بىرىكتىرىلىپ, وسىلايشا بالا وزىنە ۇناعان ءونىمدى تاڭداي الادى.
وسى جىلى, قر ەحاقم حالىقتىڭ الەۋمەتتىك وسال ساناتتارىنا, سونىڭ ىشىندە اتاۋلى الەۋمەتتىك كومەك الاتىن مەكتەپ جاسىنداعى بالالارعا قوسىمشا كومەك كورسەتكەنىن اتاپ وتكىمىز كەلەدى.
بيىلعى ناۋرىز ايىنان باستاپ جانە توتەنشە جاعداي مەن كارانتيندىك شەكتەۋ شارالارىنىڭ بارلىق كەزەڭىندە, 2 ايلىق ەسەپتىك كورسەتكىش مولشەرىندە, ازىق-ت ۇلىك جيىنتىقتارىن ساتىپ الۋ ءۇشىن اي سايىنعى اقشالاي تولەم جۇرگىزىلدى.
ناۋرىزدان مامىرعا دەيىن جانە شىلدەدەن تامىزعا دەيىنگى ارالىقتا وسى ماقساتتارعا 1 ميلليوننان استام ادامعا بيۋدجەتتەن 25,6 ميلليارد تەڭگە ءبولىندى. ونىڭ ىشىندە 200 مىڭنان استام بالا تولەممەن قامتىلدى. سونىمەن قاتار, وسى كەزەڭدە, مەكتەپ جاسىنا دەيىنگى بالالارعا ارنالعان الەۋمەتتىك توپتاما شەڭبەرىندە زاتتاي كومەك كورسەتۋ جالعاسىن تاپتى.
