اقيقاتىندا, حاكىمدىك تۇعىردان كورىنگەن ۇلى وي̆شىلىمىز قازاق رۋحانياتىنىڭ تەمىرقازىعىنا اي̆نالدى. ءبىزدىڭ رۋحىمىز, كەمەلدەنگەن باستاۋىمىز حاكىم شىعارمالارى دەپ اي̆تۋعا تولىق نەگىز بار. تاريحي جازبادا اباي̆ مۇرالارىنىڭ وزەكتىلىگى مەن ومىرشەڭدىگى اي̆تىلىپ قانا قوي̆ماي̆, ەلباسىنىڭ سىندارلى ساياساتىنىڭ استارىندا اباي̆ ۇلاعاتى جاتقاندىعى دا جۇرەك تەبىرەنتتى. «ەل بىرلىگى – ەڭ اسىل قاسيەت» دەگەن قاعيداتتى قاستەر تۇتاتىن ەلباسىنىڭ ءاربىر تاريحي شەشىمىنە تەمىرقازىق رەتىندە حاكىمنىڭ شىعارماسىن الىپ وتىرعانى كىمدى دە بولسىن تولقىتاتىنى انىق. «قازاقستان رەسپۋبليكاسىنىڭ پرەزيدەنتى رەتىندە وكىلەتتىگىمدى ءوز ەركىممەن توقتاتۋ تۋرالى شەشىم قابىلداماس بۇرىن, بولاشاق ەل باسقارار ازاماتقا قاجەت قاي̆راتكەرلىك تاجىريبە مەن تاعىلىم جاي̆ىن وي̆ تەزىنە, كوڭىل بەزبەنىنە تارتىپ, اسىقپاي̆, زەر سالا قارادىم. اباي̆دىڭ:
«باس-باسىنا بي بولعان وڭشەڭ قيقىم,
مىنەكەي̆, بۇزعان جوق پا ەلدىڭ سيقىن؟
بىرلىك جوق, بەرەكە جوق,
شىن پەي̆ىل جوق,
ساپىرىلدى باي̆لىعىڭ,
باققان جىلقىڭ.
باستا مي, قولدا مالعا تالاس قىلعان,
كۇش سىناسقان كۇندەستىك
بۇزدى-اۋ شىرقىن»,
دەگەن وكىنىشىن قاي̆تالاماۋ قاجەتتىگى تاعى الدىمنان شىقتى», دەپ ەلباسىنىڭ اي̆رىقشا اتاپ ءوتۋى – ادامزاتتىڭ الىبى سانالعان اباي̆ دانالىعىنىڭ بارشاعا ورتاق تەمىرقازىق ەكەنىنە دالەل.
تاريح قاتپارىنان سىر تارتىپ, رۋح سالتاناتىنان وي̆ ساباقتاپ, وتكەن مەن بۇگىندى قامتىپ, سىندارلى جولعا نۇسقا بولعان بۇل تولعامنىڭ وزەكتىلىگى مەن ومىرشەڭدىگى اي̆قىن. ەل باسقارۋ ىسىندەگى ىلكىمدى دۇنيەلەر تۋراسىندا تەبىرەنىس پەن تولعانىستا وتىرىپ جازىلعان ماڭىزدى ماقالانىڭ دانا اباي̆دى تانۋداعى تاعى ءبىر تولىمدى ەڭبەك ەكەنى انىق. ەلباسىنىڭ «داعدارىستار وتەدى, كەتەدى. ال مەملەكەت تاۋەلسىزدىگى, ۇلت مۇراتى, ۇرپاق بولاشاعى سياقتى قۇندىلىقتار ماڭگى قالادى» دەپ كورسەتكەن سارا جولى اباي دانالىعىمەن ۇشتاسىپ جاتىر.
سۇلەيمەن مامەت,
جازۋشى, ارداگەر جۋرناليست
