"سامۇرىق-قازىنا" ۇاق "استانا" پرەزيدەنتتىك سپورت كلۋبىن تاراتۋ تۋرالى شەشىم قابىلدادى. كلۋبتارعا قاتىستى بارلىق قۇقىقتار مەن مىندەتتەمەلەر ەندى "Samruk-Kazyna Trust" قورىنا وتەدى. ەندى ول سپورت كلۋبتارىنىڭ قۇرىلتايشىسى بولادى. بۇل شەشىم كوپ دەڭگەيلى ەسەپتىلىكتى بولدىرماۋ, سونداي-اق اكىمشىلىك-باسقارۋ پەرسونالىن ۇستاۋعا قوسىمشا شىعىنداردى بولدىرماۋ ماقساتىندا قابىلدانعان.
"استانا" فۋتبول كلۋبى, "استانا" باسكەتبول كلۋبى, "بارىس" حوككەي كلۋبى جانە "Astana Pro Team" كاسىبي ۆەلوكومانداسى ءوز جۇمىسىن جالعاستىرا بەرەدى, سپورت كلۋبتارى "سامۇرىق-قازىنا" قورىنان تىكەلەي قارجىلاندىرىلاتىن بولادى.
تاراتىلاتىن پكسك ەكس-باسشىسى اسقار باتالوۆ "Samruk-Kazyna Trust" قورى باس ديرەكتورىنىڭ سپورت ماسەلەلەرى جونىندەگى ورىنباسارى رەتىندە قىزمەتىن قاداعالاۋدى جالعاستىرادى.
"ماقسات - كوپ دەڭگەيلى ەسەپ بەرۋ جانە قارجىلىق قىزمەتتى, سونداي-اق اكىمشىلىك-باسقارۋ ۇجىمىن ۇستاۋعا قوسىمشا شىعىنداردى بولدىرماۋ", دەپ اتاپ ءوتتى اسقار باتالوۆ ونلاين بريفينگتە.
ەستەرىڭىزگە سالا كەتەيىك, "استانا" پكسك 2012 جىلى سپورتقا مەملەكەتتىك قولداۋدى كۇشەيتۋ, قازاقستان مەن ونىڭ استاناسىنىڭ الەمدىك ارەناداعى وڭ ءيميدجىن نىعايتۋ, سالاۋاتتى ءومىر سالتىن ناسيحاتتاۋعا جانە جوعارى سپورتتىق جەتىستىكتەردى دامىتۋعا ىقپال ەتۋ ماقساتىندا قۇرىلعان بولاتىن.
