بۇعان دەيىن بىرنەشە الەۋمەتتىك جوبالاردى دۇنيەگە اكەلگەن پاۆلودارلىق ونەرتاپقىش ءال-فارابي ۇزاق جۇمىس ىستەۋ ءتارتىبى ZOOM-عا ۇقساس مەەتوU پلاتفورماسىن ىسكە قوستى. IT-ماماننىڭ ايتۋىنشا, بۇل جۇيەنىڭ امەريكالىق پلاتفورمادان ارتىقشىلىعى كوپ. ەگەر ZOOM-نىڭ تەگىن جۇيەسىندە ادام سانى 100-بەن, ال ۋاقىت ۇزاقتىعى 40 مينۋتپەن شەكتەلگەن بولسا, وتاندىق پلاتفورمادا مۇنداي شەكتەۋلەر جوق. مۇندا باعدارلامانى جۇكتەپ, كەي ادامدارعا ءارى قاراي نەنى باسۋ كەرەك, ونى قالاي جۇكتەۋ كەرەك دەگەن سىندى ماسەلەلەر بولمايدى, ويتكەنى مەەتوU پلاتفورماسىن كومپيۋتەرگە نەمەسە سمارتفونعا جۇكتەۋ قاجەت ەمەس. قولدانۋشى ارنايى سىلتەمە ارقىلى بەينەكونفەرەنتسياعا اۆتوماتتى تۇردە قوسىلادى.
ونەرتاپقىشتىڭ ايتۋىنشا, اتالعان قوسىمشا ءبىر ادامدى ەكىنشى اداممەن ۆيدەو ارقىلى بايلانىستىرۋعا مۇمكىندىك بەرەتىن WebRTC تەحنولوگياسىمەن جاسالعان. قوسىمشانىڭ جۇمىس ىستەۋ ءپرينتسيپى كەز كەلگەن ادام ءۇشىن قولايلى ءارى وڭاي. مۇندا دا امەريكالىق پلاتفورماداعىداي ميكروفونىڭىز بەن كامەراڭىزدى قاجەت ۋاقىتىندا وزگەلەرگە بوگەت جاساماس ءۇشىن وشىرە الاسىز. سپيكەرمەن ينتەراكتيۆتى بايلانىس ورناتۋ ءۇشىن قاجەت بولاتىن فۋنكتسيالاردىڭ بارلىعى قاراستىرىلعان.
«مەەتوU قوسىمشاسىن جاساۋ كەزىندە ەڭ اۋەلى ءتۇرلى بەينەبايلانىس ورناتۋشى باعدارلامالاردى زەرتتەپ شىقتىم, وعان ءبىر جارىم ايعا جۋىق ۋاقىت كەتتى. زەرتتەۋ جۇمىستارىنىڭ قورىتىندىسى ناتيجەسىندە ءبىر اي ىشىندە وزىندىك ارتىقشىلىقتارى بار وتاندىق پلاتفورما دۇنيەگە كەلدى. قازىر ادامدارعا باعدارلامانى قولدانۋ جەڭىل بولۋى ءۇشىن iOS جانە Android-قا ارنالعان جۇيە جاسالدى. ەندى ءموبيلدى قوسىمشانى App Store جانە Play ماركەتكە سالۋدى جوسپارلاپ وتىرمىز», – دەدى ءا.ۇزاق.
بۇگىندە مەەتوU قوسىمشاسى ارقىلى س.تورايعىروۆ اتىنداعى پاۆلودار مەملەكەتتىك ۋنيۆەرسيتەتىنىڭ ستۋدەنتتەرى ونلاين ءبىلىم الۋدا. سونداي-اق پلاتفورما كومەگىمەن ۋنيۆەرسيتەت پەداگوگتەرىنىڭ جينالىسىن ونلاين-فورماتتا وتكىزۋ تەستىلەنىپ جاتىر. ازىرگە وعان ءبىر ۋاقىتتا ارقايسىسىندا 100 ادام بار 4 لەك قوسىلا الادى. الداعى ۋاقىتتا ولاردىڭ سانىن ارتتىرۋ كوزدەلگەن.
It-Hub ديرەكتورىنىڭ مىندەتىن اتقارۋشى داريا ابىكەنوۆا قازىر اتالعان سەرۆيس اپروباتسيادان وتكەنىن جانە ونى وقۋ ۇردىسىنە ەنگىزۋ ءۇشىن جۇمىستار ءساتتى جۇزەگە اسىرىلىپ جاتقانىن ايتادى. ءال-فارابي ۇزاق پلاتفورما تەستىلەۋ دەڭگەيىنەن وتكەن سوڭ, تولىقتىرۋلار مەن وزگەرىستەردەن كەيىن قوسىمشانى ەلىمىزدىڭ باسقا دا وقۋ ورىندارىنا ۇسىنۋدى جوسپارلاپ وتىر.
جاس ماماننىڭ بۇعان دەيىنگى اۋىل شارۋاشىلىعى ونىمدەرى تاۋارلارىن ءبىر جۇيەگە بايلانىستىرۋشى KazAgroTrade جانە ءتۇرلى تاۋارلاردى جەتكىزۋ قىزمەتىن ۇسىنۋشى GreenMart قوسىمشالارى قولدانۋشىلاردىڭ جۇمىسىن جەڭىلدەتىپ, ۋاقىتىن ۇنەمدەپ, الەۋمەت اراسىندا كەڭ قولدانىسقا ەنگەن ەدى. ەندىگى ىشكى بايلانىس قۇرالى رەتىندە جاسالعان دۇنيەسى دە قوعامعا پايدالى بولادى دەپ سەنەمىز.
