ال پوليتسەيلەر بولسا, كۇلاي سۇگىرباەۆا جەكە باسىن كۋالاندىراتىن قۇجات الۋ جونىندە جەتىساي اۋدانى پوليتسيا بولىمىنە ءوتىنىش ءبىلدىرىپ, كوشى-قون قىزمەتى بولىمشەسىنە جۇگىنبەگەنىن ايتقان بولاتىن.
وسىعان بايلانىستى قارياعا ءتارتىپ ساقشىلارى ىشكى ىستەر ءمينيسترىنىڭ بۇيرىعىنا سايكەس قازاقستان ازاماتتىعىنا قۇجاتتاندىرۋ ءۇشىن ءبىرىنشى كەزەكتە پوليتسيا بولىمىنە بارىپ ءوتىنىشحات جازۋى ءتيىس ەكەندىگى تۇسىندىرىلگەن. وعان قوسا قازاقستان ازاماتتىعىنا تيەسىلى ەكەنىن انىقتاۋ ءۇشىن وتىنىشحاتپەن بىرگە تۋ تۋرالى كۋالىك, ەڭبەك كىتاپشاسى, ورتا نەمەسە تولىق ورتا ەمەس ءبىلىمى تۋرالى اتتەستات, ديپلوم نەمەسە شارۋاشىلىق بويىنشا كىتاپتان ءۇزىندى كوشىرمەلەرىن تاپسىرۋى قاجەت. الايدا تەكسەرۋ بارىسىندا جوعارىدا كورسەتىلگەن قۇجاتتاردىڭ ەشقايسىسى ازاماتشا ك.سۇگىرباەۆادا جوق ەكەندىگى بەلگىلى بولدى.
جەتىساي اۋداندىق پوليتسيا ءبولىمى كوشى-قون قىزمەتىنىڭ قىزمەتكەرلەرى ىشكى ىستەر مينيسترلىگىنىڭ تالاپتارىن ەگجەي-تەگجەيلى تۇسىندىرە وتىرىپ, كۇلاي سۇگىرباەۆاعا قۇجاتتارىن جيناقتاۋعا كومەكتەستى. 2-3 اي ارالىعىندا سوت شەشىمىمەن تۋ تۋرالى كۋالىگى قالپىنا كەلتىرىلىپ, دايىن بولدى. ودان كەيىن جەدەل ارەكەت ەتكەن پوليتسەيلەر ازاماتشا ك.سۇگىرباەۆانىڭ قازاقستان ازاماتتىعىن راستاۋ تۋرالى ءوتىنىشحاتىن قابىلدادى. 20 كۇننەن كەيىن تۇرعىننىڭ جەكە كۋالىگى دايار بولدى. وسىلايشا ءبىر عاسىر جاساعان اجەيگە جەكە كۋالىگىن تاپسىرۋ ءۇشىن ءتارتىپ ساقشىلارى بارلىق قاجەتتى شارالاردى جۇرگىزىپ, كومەك قولىن سوزدى. دايىن قۇجاتتى اقجاۋلىقتى انانىڭ شاڭىراعىنا بارىپ, ارنايى تاپسىردى.
ءوز كەزەگىندە جەتىسايلىق 100 جاستاعى انا قۇجاتتارىن جاساپ بەرگەن پوليتسەيلەرگە العىسىن ءبىلدىرىپ, جۇمىستارىنا تابىس تىلەپ, اق باتاسىن بەردى.
