"City Transportation Systems" وكىلدەرى سوڭعى جىلدارى كولىك اعىنىن وڭتايلاندىرۋ, باعدارشامداردى رەتتەۋ, قوعامدىق كولىكتەردىڭ ىركىلىسسىز جۇرۋىنە كەپىلدىك ەتۋدەگى اتقارىلعان جۇمىستاردى اتاپ ءوتتى.
"جاڭا تەحنولوگيالاردى قولدانۋ – "اقىلدى قالا" جوباسىنىڭ باستى قاعيدالارىنىڭ ءبىرى. جاڭا تەحنولوگيالار ءىرى قالالار ىشىندەگى كولىك جۇيەسىنە اسا قاجەت. سوڭعى جىلدارى ەلوردادا ديسپەتچەرلىك جانە مونيتورينگتىك جۇيەنى ىسكە قوسۋ ارقىلى اۆتوبۋستار قوزعالىسىن موبيلدىك قوسىمشا ارقىلى قاداعالاۋ جۇيەسى ەنگىزىلىپ, قوعامدىق كولىكتى وڭتايلاندىرۋ جۇمىسى وڭ شەشىمىن تاپتى. تسيفرلاندىرۋ جۇمىستارىنىڭ ناتيجەسىندە كولىك قوزعالىسىنا قاتىستى باسقا دا كوپتەگەن ماسەلە شەشىمىن تاپتى", دەدى "City Transportation Systems" جشس توراعاسىنىڭ ورىنباسارى باۋىرجان سەيىتوۆ.
ايتا كەتەيىك, نۇر-سۇلتان قالاسىنىڭ قوعامدىق كەڭەسى - كونسۋلتاتيۆتىك-كەڭەسشى, قاداعالاۋشى ورگان. كەڭەستى جەرگىلىكتى مەملەكەتتىك ورگاندار كوممەرتسيالىق ەمەس ۇيىمدارمەن جانە بەلسەندى ازاماتتارمەن بىرلەسە قۇرعان.
