ەلىمىزدىڭ ءتورت وبلىسىندا قۇس ءولىمى توقتادى
قۇستاردىڭ قىرىلۋى تۇركىستان, جامبىل, اقتوبە, قاراعاندى وبلىستارى مەن شىمكەنتتە توقتادى. سونىمەن قاتار سولتۇستىك قازاقستان, پاۆلودار جانە قوستاناي وبلىستارىندا ءولىم دەڭگەيى تومەندەدى. جالپى, قۇس ءولىمى 7 وبلىستىڭ 41 اۋدانىنداعى 99 ەلدىمەكەندە تىركەلدى.
ۇزدىك اۋىل اكىمدەرى انىقتالدى
مەملەكەتتىك قىزمەت ىستەرى اگەنتتىگىنىڭ باستاماسىمەن "رۋحاني جاڭعىرۋ" باعدارلاماسى اياسىندا "ۇزدىك اۋىل اكىمى" رەسپۋبليكالىق بايقاۋى اياقتالدى. ۇزدىك اۋىل اكىمى بولىپ الماتى وبلىسى ىلە اۋدانىنىڭ بورالداي كەنتى اكىمى دانيار قوڭىرباەۆ انىقتالدى.
دونالد ترامپ كوروناۆيرۋس جۇقتىردى
اقش پرەزيدەنتى دونالد ترامپ جانە ونىڭ ايەلى مەلانيا كوروناۆيرۋس جۇقتىردى. كوروناۆيرۋس جۇتىرعان اقش پرەزيدەنتى دونالد ترامپ ۆاشينگتونداعى ۋولتەر ريد اسكەري گوسپيتالىنە جاتقىزىلدى.
قىزىلوردا وبلىسىنىڭ 4 اۋدانىندا جۇزدەگەن جىلقى قىرىلىپ جاتىر
قىزىلوردا وبلىسىنىڭ شارۋالارى جۇزدەگەن جىلقى بەلگىسىز اۋرۋدان قىرىلعانىن ايتىپ, دابىل قاعۋدا. جىلقىلاردىڭ مۇنداي اۋرۋعا ۇشىراعانى ءبىرىنشى اي ەمەس ەكەنى ايتىلدى. ورتاشا العاندا, جانۋار شامامەن 10 كۇن اۋىرادى, تاماق جەمەيدى, ارىقتايدى, سودان كەيىن ولەدى. اۋرۋ وبلىستىڭ ءتورت اۋدانىندا رەسمي تۇردە راستالدى.
اقش-تىڭ MTV تەلەارناسىندا ديماشتىڭ قازاق تىلىندەگى كليپى شىقتى
MTV تەلەارناسىندا جانە ارنانىڭ YouTube-تەگى رەسمي پاراقشاسىنىڭ "MTV’s Friday Livestream" باعدارلاماسىندا ديماش قۇدايبەرگەننىڭ "Qairan Elim" ءانىنىڭ بەينەبايانى قازاق تىلىندە كورسەتىلدى.
پرەزيدەنت ۇستازداردى كاسىبي مەرەكەلەرىمەن قۇتتىقتادى
مەملەكەت باسشىسى ق.توقاەۆ ۇستازداردى كاسىبي مەرەكەلەرىمەن قۇتتىقتادى. پرەزيدەنت مۇعالىمدەردىڭ اعارتۋشىلىق قىزمەتى جانە جاس بۋىندى تاربيەلەۋ جولىنداعى تىنىمسىز ەڭبەگى ءاردايىم جوعارى باعالاناتىنىن ايتتى. سونىمەنت قاتار ول كۇردەلى كەزەڭگە قاراماستان مەملەكەت مۇعالىمدەرگە قولداۋ كورسەتە بەرەتىنىن جەتكىزدى. بۇل اتاۋلى كۇن 1965 جىلى 29 قىركۇيەكتە كسرو جوعارعى كەڭەسى پرەزيديۋمىنىڭ بۇيرىعىمەن بەلگىلەنگەن. بۇگىنگى تاڭدا قازاقستان, بەلارۋس, لاتۆيا جانە ۋكراينا مۇعالىمدەر كۇنىن قازاننىڭ العاشقى جەكسەنبىسىندە اتاپ وتەدى.
ابايدىڭ قارا سوزدەرى العاش رەت يندونەزيا تىلىنە اۋدارىلدى
قازاقستان رەسپۋبليكاسىنىڭ يندونەزياداعى ەلشىلىگى قر ۇلتتىق اكادەميالىق كىتاپحاناسىمەن بىرگە اباي قۇنانباي ۇلىنىڭ يندونەزيالىق تىلىندەگى "قارا سوزدەردىڭ" ونلاين- تۇساۋكەسەرىن وتكىزدى. دانيار سارەكەنوۆ ءىس-شارانىڭ اشىلۋ سالتاناتىندا ابايدىڭ الەمنىڭ كوپتەگەن تىلدەرىنە اۋدارىلعان ەڭ جارقىن شىعارمالارىنىڭ ءبىرى بولىپ تابىلاتىن "قارا سوزدەر" يندونەزيالىق وقىرماندار ءۇشىن العاش رەت ۇسىنىلىپ وتىرعانىن جانە ولار دانا اقىننىڭ شىعارمالارى ارقىلى قازاق حالقىنىڭ رۋحاني بايلىعى مەن مادەنيەتىن بىلە الاتىنىن اتاپ ءوتتى.
قازاقستاندا ەت باعاسى قىمباتتاۋى مۇمكىن
ەلىمىزدە جىل سوڭىنا دەيىن قوي ەتى قىمباتتاۋى مۇمكىن. وڭىرلەردە شىعىپ جاتقان قۇس تۇماۋى اق ەتتىڭ كۇرت ازايۋىنا الىپ كەلسە, سيىر مەن قوي ەتىنە سۇرانىس ارتادى.
كامچاتكا جاعاجايىندا تەڭىز جانۋارلارى شەتىنەن قىرىلىپ جاتىر
رەسەيدىڭ كامچاتكا جاعاجايىندا تەڭىز جانۋارلارىنىڭ ءولى دەنەسى جاعالاۋ بەتتەرىنە تولىپ قالعان. Greenpeace Russia-نىڭ مالىمەتىنشە, وسى جايت كامچاتكاداعى كاسىبي سەرفينگشىلەر جينالاتىن تۋريستىك ورتالىق حالاكتىرسكي جاعاجايىندا بولعان. حالاكتىرسكي جاعاجايىنداعى سۋدىڭ ءتۇسى وزگەرىپ, ادام دەنساۋلىعىنا قاۋىپ ءتوندىرىپ جاتقانىن ايتادى. سوڭعى بىرنەشە اپتادا سۋعا تۇسكەن ادامداردىڭ تاماعى ءىسىپ, كەيبىرەۋىندە ۋلانۋ دەرەكتەرى كەلتىرىلگەن.
