الماتىدا پوليتسەي جانىپ جاتقان ۇيدەن زەينەتكەردى الىپ شىقتى

جاقىن ماڭداعى ءۇيدىڭ تۇرعىنى تۇندە داۋىستار وتشاشۋلار سياقتى شىققانىن جانە ويانىپ كەتكەنىن ايتادى.

"تەرەزەگە قاراسام, ءورت شىقتى. مەن جۇگىرىپ شىقتىم, كورشىلەرىمىز ورتەنىپ جاتىر دەپ ويلادىم. ءسىڭىلىمدى وياتىپ, جولعا قاراي شىعىپ كەتتىم. قاراسام, پوليتسيا كولىگى تۇر. شاماسى, ەندى عانا كەلگەن. ول كەزدە ادامدار كوپ بولعان جوق. پوليتسەي قۇتقارۋعا جۇگىردى. ول وتقا ورانعان ۇيگە جۇگىرىپ كىرىپ, سول جاقتاعى اتانى قۇتقاردى", دەيدى ول. 

قارت كىسىنى قۇتقارعان پوليتسەي سول ۋاقىتتا اۋداندىق ىشكى ىستەر باسقارماسىنا كەلە جاتقانىن ايتتى.

"مەن اۋداندىق ىشكى ىستەر باسقارماسىنا كەلە جاتقانمىن. لازارەۆ كوشەسىمەن كەلە جاتىپ, 79-ءۇيدىڭ شاتىرىنىڭ استىنان جالىن شىعىپ جاتقانىن كوردىم. الدىمەن جاقىن ماڭداعى ۇيلەردىڭ تۇرعىندارىن وياتىپ, ولاردى توپتاستىرىپ, قاۋىپسىز قاشىقتىقتا تۇرۋلارىن سۇرادىم. كورشىسىنىڭ اۋلاسى ارقىلى جانىپ تۇرعان ءۇيدىڭ اۋلاسىنا كىردىم. ءۇيدىڭ تەرەزەسىن سىندىرىپ, سول تەرەزە ارقىلى اتانى شىعارىپ الدىم. مەن ونى "جەدەل جاردەم" قىزمەتكەرلەرىنە تاپسىردىم. ءورت تولىق وقشاۋلانعانعا دەيىن ءوزىم سول جەردە بولدىم", دەدى اۋەزوۆ اۋداندىق پوليتسيا باسقارماسىنىڭ ۋچاسكەلىك ينسپەكتورى بەكتەمىر قاۋىنباەۆ.

ءورت كەزىندە, ۇيدە 71 جاستاعى ەر ادام, ونىڭ 33 جاستاعى وگەي بالاسى جانە 15 جاستاعى نەمەرەسى بولعانى انىقتالدى. وكىنىشكە قاراي, ءجاسوسپىرىم مەن ونىڭ اعاسى قايتىس بولدى. زەينەتكەردىڭ ومىرىنە قاۋىپ ءتونىپ تۇرعان جوق.

"پوليتسەي جارادى, ساسىپ قالعان جوق. جۇگىرىپ كەتتى, مەن قورقىپ كەتتىم, ول دا جانىپ كەتتى دەپ ويلادىم. ونىڭ ارىپتەستەرى كەلدى, كوپتەگەن ادامدار جينالدى. پوليتسەي ءوز ءومىرى ءۇشىن قورىققان جوق. جارايسىڭ", دەدى جەرگىلىكتى تۇرعىن.