"ەكى ايدىڭ ىشىندە 300 توسەك-ورىنعا ارنالعان, سونىڭ 30-ى رەانيماتسيالىق, ەكىنشى ءمودۋلدى جۇقپالى اۋرۋلار گوسپيتالى سالىندى. بارلىق توسەكتەر مەديتسينالىق گازبەن جابدىقتالعان. ەمدەلۋشىلەردىڭ ءحالى گوسپيتالدەگى اۆتوماتتاندىرىلعان "اقىلدى" جۇيە ارقىلى ناقتى ۋاقىت رەجىمىندە تاۋلىك بويى قاداعالانادى", دەيدى قالا اكىمى ب.ساعىنتاەۆ.
باقىتجان ساعىنتاەۆتىڭ ايتۋىنشا, كلينيكانىڭ كت, رەنتگەن, ۋدز-اپپاراتتارى مەن جەكە زەرتحاناسى بار. مۇندا پتر دياگنوستيكانى قوسا العاندا زەرتتەۋلەردىڭ بارلىق تۇرلەرى جۇرگىزىلەتىنى تۋرالى بولىسە كەتتى.
سونداي-اق ول ەمحاناداعى بلوكتى ايماقتاردىڭ بولۋى, جەدەل جاردەم كولىكتەرىن دەزينفەكتسيالاۋ, اعىندى سۋلاردى زالالسىزداندىرۋ مەن مەديتسينالىق قالدىقتاردى كادەگە جاراتۋ سىندى تەحنولوگيالىق شەشىمدەر اۋرۋحانانىڭ سانيتارلىق ءارى ەكولوگيالىق قاۋىپسىزدىگىنىڭ جوعارى دەڭگەيدە ەكەنىن اتاپ ءوتتى.
