اڭگىمە بارىسىندا نۇرسۇلتان نازارباەۆ ۋنيۆەرسيتەتتىڭ وتاندىق اگرارلىق سەكتور ءۇشىن جوعارى بىلىكتى ماماندار دايارلاۋ بويىنشا جۇرگىزىپ جاتقان جۇمىسىنىڭ ماڭىزدىلىعىن اتاپ ءوتتى.
سونىمەن قاتار قازاقستاننىڭ تۇڭعىش پرەزيدەنتى يننوۆاتسيالىق تەحنولوگيالاردى ەنگىزۋ جانە اگرارلىق عىلىمدى دامىتۋ ماسەلەسىنە توقتالدى. وسى ورايدا قازاقستان پرەزيدەنتى قاسىم-جومارت توقاەۆتىڭ جولداۋىندا ايتىلعان وتاندىق عىلىم سالاسىن قولداۋ مەن دامىتۋدىڭ جاڭا تاسىلدەرىن ەنگىزۋدىڭ وزەكتىلىگى اتاپ ءوتىلدى.
– وسكەلەڭ ۇرپاقتىڭ تاربيەسى جەكە تۇلعانىڭ ادامگەرشىلىك جانە ازاماتتىق جاۋاپكەرشىلىگىن دامىتۋعا باعىتتالعان. بۇل ۇدەرىستە تولەرانتتىلىق, ۇلتارالىق كەلىسىم, پاتريوتيزم, زاڭعا باعىنۋشىلىق جانە ەڭبەكقورلىق نەگىزگى باعىت بولۋى كەرەك, – دەدى ەلباسى.
كەزدەسۋدە ت.ەسپولوۆ نۇرسۇلتان نازارباەۆقا جوعارى وقۋ ورنىنا زەرتتەۋ ۋنيۆەرسيتەتى مارتەبەسى بەرىلگەنى جونىندە مالىمدەدى.
