1974 جىلى دۇنيەگە كەلگەن. 1996 جىلى "شىعىستانۋ" ماماندىعى بويىنشا ءال-فارابي اتىنداعى قازاق ۇلتتىق ۋنيۆەرسيتەتىن تامامداعان.
ەڭبەك جولىن 1997 جىلى قر سىرتقى ىستەر مينيسترلىگىندە باستادى. ءار جىلدارى "قازاقويل", "قازاقتەلەكوم", "قازترانسگاز" ۇلتتىق كومپانيالارىندا, سونداي-اق پرەزيدەنت اكىمشىلىگىنىڭ سىرتقى ساياسات ورتالىعىندا ءتۇرلى لاۋازىمداردا قىزمەت اتقاردى. 2008-2012 جىلدار ارالىعىندا قازاقستاننىڭ ستامبۋلداعى باس كونسۋلى, ال 2012-2014 جىلدارى – قازاقستاننىڭ دۋبايداعى باس كونسۋلى بولدى.
سىرتقى ىستەر مينيسترلىگى ينۆەستيتسيا كوميتەتىنىڭ توراعاسى لاۋازىمىنا تاعايىندالعانعا دەيىن 2014 جىلدان باستاپ قازاقستاننىڭ كاتار مەملەكەتىندەگى ەلشىسى قىزمەتىن اتقاردى.
ەكىنشى سىنىپتى توتەنشە جانە وكىلەتتى ۋاكىل ديپلوماتتىق دارەجەسىنە يە. اراب جانە اعىلشىن تىلدەرىن مەڭگەرگەن.
