الەم • 01 قازان، 2020

العاشقى دەبات ءوتتى

12 رەت كورسەتىلدى

سارسەنبىگە قاراعان ءتۇنى اقش-تىڭ كليۆلەند قالاسىندا اقش پرەزيدەنتىنە ۇمىتكەرلەر اراسىندا دەبات ءوتتى. رەسپۋب­ليكا­لىق جانە دەموكراتيالىق پارتيالار وكىلى دونالد ترامپ پەن دجو بايدەن اراسىنداعى پىكىرتالاستىڭ بۇرىنعى ۇمىتكەرلەر دەباتىنان وزگەشە بولعانىن بىرقاتار باق جارىسا جازۋدا.

دەبات ەرەجەسى ەسكەرىلمەگەن، ديپلوماتيا تالاپتارى ساقتالماعان پىكىرتالاستا دجو بايدەن اقش-تىڭ قازىرگى پرەزيدەنتى دونالد ترامپتى مەملەكەت تاريحىنداعى ەڭ ناشار باسشى دەپ اتاسا، ترامپ بايدەننىڭ ءار ءسوزىن ءبولىپ، ويىن اياقتاۋعا مۇرشا بەرمەدى. BBC اگەنتتىگى بۇل تارتىستا جەڭىستى دجو بايدەنگە بەرىپ وتىر. «بۇل سايىستا بايدەندى امەريكالىقتارعا قىسىمعا توتەپ بەرە الاتىنىن دالەلدەۋگە تىرىسقانى ءۇشىن جەڭىمپاز دەپ ەسەپتەۋگە بولادى. سونىمەن بىرگە دەبات ءتارتىبىن ساقتاپ، دونالد ترامپقا قاراعاندا وپپونەنتىنىڭ ءسوزىن ءبولىپ، وزىنە قارسى قانداي ءسوز ايتىلسا دا ارىپتەسىنە ويىن جەتكىزۋگە مۇمكىندىك بەردى» دەپ جازادى.

دەباتتا قوزعالعان تاقىرىپتاردىڭ ءبىرى ءالى كۇنگە دەيىن وزەكتىلىگىن جوعالتپا­عان كوروناۆيرۋس بولدى. ترامپ ءوزىنىڭ پاندە­ميا­مەن كۇرەس شارالارىن ايتىپ، سونىڭ ناتيجەسىندە ءولىم سانى 200 مىڭ­نان اسپاعانىن ايتتى. وسى رەتتە دونالد ترامپ پرەزيدەنتتىككە بايدەن كەلسە، جاعداي ودان سايىن ناشارلايدى دەگەن بولجامىن جەتكىزدى.

ەكەۋى ءبىرىن-ءبىرى بىرنەشە قىلمىسقا قاتىستى دەپ ايىپتادى. دونالد ترامپقا راسيستىك توپتاردىڭ كوبەيۋىن قولدادى دەگەن  ايىپ تاعىلسا، بايدەن 1993 جىلى قىل­مىسپەن كۇرەس جونىندەگى زاڭ جوباسىن قولدادى، سالدارىنان قارا ءناسىلدى قىل­مىس­كەرلەردىڭ كوبەيگەنىن ورتاعا سالدى.

دجوردج فلويدتىڭ دا ءولىمى ءسوز بولدى. باسىلىمدار سارسەنبىدەگى دەباتتىڭ تاريحتا قالارىنا سەنىمدى.

تەلەدەباتتىڭ مودەراتورى كريس ۋوللەس ەكەۋىنە ماردىمدى ارگۋمەنتتەر ايتىپ، ءوز باعدارلاماسىن تۇسىندىرۋگە تاعى ءبىر مۇمكىندىك بەردى. الايدا جاقسى سايا­سي ستراتەگيا ورنىنا ۇمىتكەرلەر ۋا­قىت­­تى بوس جىبەرىپ، ءتىپتى بيلەپ كەتتى. دو­نالد ترامپ ءوز سوزىندە ۆيتسە-پرەزيدەنت باي­دەنگە «مەن 47 ايدا سەن 47 جىل ومى­رىڭ­دە بىتىرمەگەن جۇمىستى اياقتادىم»، دەدى. 

 

سوڭعى جاڭالىقتار

اتىراۋدا 9 بالانى يت تالادى

ايماقتار • 24 قازان، 2020

ۇقساس جاڭالىقتار