بۇگىن جوبالىق كەڭسەنىڭ باسشىسى جانە قر ءسىم "ادالدىق الاڭى" كەڭەسىنىڭ مۇشەلەرى ينۆەستيتسيالار كوميتەتىنە بارىپ, وندا كوميتەتپەن جۇرگىزىپ جاتقان سىبايلاس جەمقورلىققا قارسى جۇمىسپەن تانىستى. كوميتەتتە دەربەس جوبا جۇمىس ىستەيدى, ونى كوميتەت توراعاسىنىڭ ورىنباسارى شىڭعىس ساۋرانباەۆ باسقارادى.
ينۆەستيتسيالار جونىندەگى كوميتەتىندەگى تۇرمىستىق سىبايلاس جەمقورلىقتىڭ الدىن الۋ بويىنشا نەگىزگى ەكپىن مەملەكەتتىك قىزمەتتەردى اۆتوماتتاندىرۋ مەن تسيفرلاندىرۋعا جانە بارلىق جەردە ء"بىر تەرەزە" قاعيداتىن ەنگىزۋگە جاسالادى. جۇمىس پروتسەستەرىن ەلەكتروندىق فورماتقا كوشىرۋ مەملەكەتتىك قىزمەتتەردى الۋ كەزىندە ينۆەستورلار ءۇشىن ۇلكەن قولايلى جاعداي جاساۋعا مۇمكىندىك بەرەدى جانە ولاردى كورسەتۋ مەرزىمدەرىن ايتارلىقتاي قىسقارتادى. ء"بىر تەرەزە" قاعيداتى ينۆەستورلاردىڭ قۇجاتتاردى جيناۋ مەن دايىنداۋعا قاتىسۋىن بارىنشا ازايتۋ جانە ولاردىڭ مەملەكەتتىك ورگاندارمەن تىكەلەي بايلانىسىن شەكتەۋدى قامتيدى. ينۆەستيتسيالار جونىندەگى كوميتەت قۇراتىن فرونت-وفيستەردە قازاقستان ەكونوميكاسىنا ينۆەستيتسيا قۇياتىن تۇلعالار وزدەرىنىڭ قىزمەتى ءۇشىن قاجەتتى نەگىزگى قىزمەتتەردى الا الادى. ينۆەستيتسيا سالاسىنداعى "ادالدىق الاڭى" جوباسىنىڭ مەنەدجەرلەرى ءۇشىن بۇل ۇدەرىستەردىڭ بارلىعى تۇراقتى باقىلاۋ وبەكتىسى بولىپ تابىلادى.
"مەملەكەتتىك ورگاننىڭ سىبايلاس جەمقورلىققا بايلانىسى تۋرالى پىكىر, ادەتتە, ونىڭ ناشار جۇمىسىنىڭ سالدارىنان قالىپتاسادى. وزدەرىڭىز بىلەتىندەي, جۇيەلى سىبايلاس جەمقورلىق ەكونوميكاعا تەرىس اسەر ەتەدى جانە ينۆەستورلاردىڭ تەرىس پىكىرىن قالىپتاستىرادى. ءبىزدىڭ جوبامىزدىڭ ماقساتى – قىزمەت الۋشىلاردىڭ سەنىمىنە يە بولۋ", دەپ اتاپ ءوتتى ش.ساۋرانباەۆ. كۇش-جىگەردى قولدانۋدىڭ تاڭدالعان باعىتىنىڭ دۇرىستىعى كورسەتكىشتەرىنىڭ ءبىرى رەتىندە كوميتەت قىزمەتكەرلەرىنىڭ كاسىبي جۇمىسىن اتاپ وتەتىن ينۆەستورلاردىڭ پىكىرلەرى بولا الادى.
دەگەنمەن, "ادالدىق الاڭى" جۇمىسىنىڭ قاعيداتى سىبايلاس جەمقورلىققا قارسى ءىس-قيمىل ماسەلەلەرىندە كۇش-جىگەردى تىنىمسىز جانە تۇراقتى تۇردە ۇلعايتۋدى تالاپ ەتەدى. كەزدەسۋ بارىسىندا قر ءسىم ينۆەستيتسيالار كوميتەتىنىڭ بارلىق سالالارىندا "ادالدىق الاڭى" جوباسىنىڭ جۇمىسىن جانداندىرۋ ماسەلەلەرى جانە جاقىن اراداعى پەرسپەكتيۆاعا ارنالعان جۇمىس جوسپارلارى تالقىلاندى.
