قوعام • 30 قىركۇيەك، 2020

قارۋلى كۇشتەردىڭ ارنايى بولىمشەلەرى وقۋ پوليگوندارىنا شىقتى

16 رەت كورسەتىلدى

ەلىمىزدىڭ بارلىق وڭىرلەرىندە "التىن جەبە-2020" ارنايى وپەراتسيالار كۇشتەرىنىڭ كومپونەنتتەرىن كەشەندى تەكسەرۋى وتۋدە، دەپ حابارلايدى Egemen.kz قورعانىس مينيسترلىگىنىڭ ءباسپاسوز قىزمەتىنە سىلتەمە جاساپ.

ءىس-شارا قورعانىس ءمينيسترىنىڭ ءبىرىنشى ورىنباسارى – قازاقستان قارۋلى كۇشتەرى باس شتابىنىڭ باستىعى گەنەرال-لەيتەنانت مۇرات بەكتانوۆتىڭ باسشىلىعىمەن ۇيىمداستىرىلدى.

دابىل بويىنشا كوتەرىلگەن بولىمدەر مەن بولىمشەلەر وقۋ الاڭدارى مەن پوليگوندارعا شىقتى. كەشەندى تەكسەرۋ بارىسىندا ءبىر اي ىشىندە كۇشتەر مەن قۇرالداردى قولدانۋدى ۇيىمداستىرۋ ماسەلەلەرى پىسىقتالادى. سونداي-اق ارنايى وقۋ-جاۋىنگەرلىك مىندەتتەر دە ورىندالماق.

ارميالىق تاكتيكالىق اتىس جاتتىعۋلارىن ورىنداۋ مەن ارتيللەريا اتىسىن تۇزەتۋگە، تاۋلىك بويى ارميالىق اۆياتسيانى جۇرگىزۋگە ەرەكشە نازار اۋدارىلاتىن بولادى.

سوڭعى جاڭالىقتار

ۇقساس جاڭالىقتار