سولتۇستىك قازاقستان وبلىسىنىڭ شەندى پوليتسەيلەرى زاڭسىزدىقتار جاساۋدان الدارىنا جان سالار ەمەس. ولاردىڭ ىشتەي باسەكەگە, جارىسقا تۇسكەندەي كەيىپ تانىتاتىن سوراقى ءىس-ارەكەتتەرىنە قاراپ, «ءاي دەر اجانىڭ, قوي دەر قوجانىڭ» تابىلماي تۇرعانى قىنجىلتادى.
سولتۇستىك قازاقستان وبلىسىنىڭ شەندى پوليتسەيلەرى زاڭسىزدىقتار جاساۋدان الدارىنا جان سالار ەمەس. ولاردىڭ ىشتەي باسەكەگە, جارىسقا تۇسكەندەي كەيىپ تانىتاتىن سوراقى ءىس-ارەكەتتەرىنە قاراپ, «ءاي دەر اجانىڭ, قوي دەر قوجانىڭ» تابىلماي تۇرعانى قىنجىلتادى.
ارالارىندا ىشىمدىككە ىقىلىق اتا تويىپ الىپ, الدىن ايپار, جانىن جايپار «جانالعىشتارى» دا جوق ەمەس. سولاردىڭ ءبىرى ىشكى ىستەر دەپارتامەنتىنىڭ باسقارما باسشىسى ۆ.ز.-نىڭ باسبۇزار ارەكەتى گيننەستىڭ رەكوردتار كىتابىنا ەنىپ قالۋى عاجاپ ەمەس.
شەندى پوليتسەي جەڭىل كولىكپەن جۇيتكىگەن كۇيى بىرنەشە كولىكتى قاعىپ ءوتىپ, ايالدامادا تۇرعان اۆتوبۋستى اۋدارىپ جىبەرە جازداعان. ونداعى ءبىر جولاۋشى جاراقات العان. قاتتى سوقتىعىستان ەسىرىك اتقان نەمە ەسىن جيعان بولۋ كەرەك, وقيعا ورنىنان ءىز جاسىرۋعا ارەكەتتەنگەن. الايدا, ءتىلى كۇرمەلىپ, سويلەۋگە شاماسى مۇلدەم كەلمەگەن ونى كۋاگەرلەر تىرپ ەتكىزبەگەن.
قىزمەتتە ەرەكشە كوزگە ءتۇسىپ, پولكوۆنيك شەنىن مەرزىمىنەن بۇرىن العان ۋداي ماس پوليتسەيدىڭ بۇلايشا تايراڭداۋى كۇش قۇرىلىمدارى اراسىندا ءتارتىپ پەن تالاپتىڭ تومەندىگىندە جاتسا كەرەك.
ءومىر ەسقالي,
«ەگەمەن قازاقستان».
سولتۇستىك قازاقستان وبلىسى.
