ايماقتار • 30 قىركۇيەك، 2020

بايتەرەكتە ءورت شىقتى

315 رەت كورسەتىلدى

باتىس قازاقستان وبلىسىنىڭ بايتەرەك اۋدانىنا قاراستى دوستىق كەنتىندە وتكەن ءتۇنى بىرنەشە ءۇي، قوراجايلار ورتەنىپ، مال مەن قۇس تىرىلەي ورتەنىپ كەتتى. توتەنشە جاعداي دەپارتامەنتى ماماندارىنىڭ حابارلاۋىنشا، ءتىلسىز جاۋدى قاسكويلەر تۇتاتقان، دەپ حابارلايدى Egemen.kz.

30 قىركۇيەك كۇنى تۇنگى ساعات 1-گە تامان دوستىق كەنتىندە ءبىر مەزەتتە 5 جەردەن جەردەن ءورت شىققان. ءسويتىپ، نەفتيانيكوۆ كوشەسىندە 1 ءۇي، 9 توننا ءشوپ وتقا ورانسا، تاۋەلسىزدىك كوشەسىندەگى №21/ا ءۇيدىڭ اۋماعى 120 شارشىمەترلىك شارۋاشىلىق قۇرىلىسى، 1 توننا بيدايى مەن 15 توننا ءشوبى جانىپ كەتتى. پيونەر كوشەسىندە ءبىر پاتەردىڭ قوراسىنىڭ شاتىرى جانىپ، 12،5 توننا ءشوبى ورتەندى.

1

ءاليا مولداعۇلوۆا كوشەسىندە دە ءبىر وتباسىنىڭ 100 شارشىمەترلىك قوراجايىنا وت ءتيىپ، 9،6 توننا ءشوبى جوق بولدى. ءورتتىڭ جويقىن بولعانى سونداي، وسى اۋلادا تۇرعان ءبىر باس سيىردى دا قۇتقارۋ مۇمكىن بولماپتى. بارىنەن دە كوپ زارداپ شەككەن – قۇرىلىسشى كوشەسىندەگى قوس وتباسى. ولاردىڭ 80 شارشىمەترلىك قوراجايى، 20 توننا مال ازىعىمەن بىرگە 7 شوشقا، 12 كۇركەتاۋىق، 15 تاۋىق جانىپ كەتكەن.

1

-زارداپ شەككەندەر جوق. ءورت سەبەبى – قاساقانا ءورت قويۋدان بولعان. قازىر كىنالى ادامدى ىزدەستىرىپ، شىعىننىڭ مولشەرىن ەسەپتەپ جاتىرمىز، - دەيدى بايتەرەك اۋداندىق توتەنشە جاعدايلار ءبولىمى ءورت ءسوندىرۋ قىزمەتىنىڭ باستىعى، ازاماتتىق قورعانىس مايورى قايرات جۇماعاليەۆ.

ءبىر تۇندە بىرنەشە وتباسىن ابىگەرگە سالعان توسىن ءورت تاڭعى 06.41-دە وقشاۋلانىپ، 08.38-دە تولىق سوندىرىلگەن. ءورتتى سوندىرۋگە 30 ادام جەكە قۇرام، 8 اۆتوكولىك قاتىسقان.

 

 

باتىس قازاقستان وبلىسى

سوڭعى جاڭالىقتار

ۇقساس جاڭالىقتار