قوعام • 29 قىركۇيەك، 2020

ەرلى-زايىپتىلار پسيحوتروپتىق زاتتار ساتۋمەن اينالىسقان

130 رەت كورسەتىلدى

"قاراسورا" جەدەل الدىن الۋ ءىس-شاراسى كەزىندە پوليتسيا دەپارتامەنتىنىڭ "ەسىرتكى قىلمىسىنا قارسى" باسقارماسىنىڭ قىزمەتكەرلەرى وسكەمەندە پسيحوتروپتىق زاتتاردى جاسىرعان وتباسىلىق جۇپتى ۇستادى، دەپ حابارلايدى Egemen.kz

ارنايى وپەراتسيا كەزىندە 32 جاستاعى جانە 29 جاستاعى ەرلى-زايىپتىلار قولعا ءتۇستى. ولار وڭاي ولجا تابۋ ءۇشىن قىركۇيەكتىڭ باسىندا نۇر-سۇلتان قالاسىنان وسكەمەنگە كەلىپ، پسيحوتروپتىق زاتتاردى ساتۋمەن اينالىسقان.

بەلگىلى بولعانداي، كۇدىكتىلەر سينتەتيكالىق پسيحوتروپتى زاتتاردىڭ پارتياسىن ساتىپ الىپ، ولاردى نەعۇرلىم ۇساق دوزاعا ءبولىپ، جاسىرۋ ارقىلى وتكىزگەن.

ء"تىنتۋ بارىسىندا، ۇستالعان تۇلعالاردان 150 گرامم پسيحوتروپتىق زاتتار تاركىلەندى. بۇل دەگەنىمىز 500 بىرلىك دوزا. ونىڭ قۇنى قارا بازاردا 4 ملن تەڭگەنى قۇرايدى. سونداي-اق دوزانى ولشەۋگە ارنالعان قۇرىلعى مەن بۋىپ-تۇيۋگە ارنالعان قۇرال-جابدىقتار تابىلدى"، دەدى وبلىستىق پوليتسيا دەپارتامەنتىنىڭ باستىعى ساعات ماديەۆ.

قازىرگى ۋاقىتتا كۇدىكتىلەر ۋاقىتشا ۇستاۋ يزولياتورىنا قامالدى. قىلمىستىق كودەكستىڭ 297-بابى، 3-بولىمىنە سايكەس (ەسىرتكى، پسيحوتروپتىق زاتتاردى، سول تەكتەستەردى وتكىزۋ ماقساتىندا زاڭسىز دايىنداۋ، قايتا وڭدەۋ، يەمدەنۋ، ساقتاۋ، تاسىمالداۋ، جونەلتۋ نەمەسە وتكىزۋ) سوتقا دەيىنگى تەرگەپ-تەكسەرۋ امالدارى جۇرگىزىلۋدە. جوعارىدا اتالعان زاڭنىڭ سانكتسياسىندا 15 جىلعا دەيىن باس بوستاندىعىنان ايىرۋ جازاسى كوزدەلگەن.

سوڭعى جاڭالىقتار

اتىراۋدا 9 بالانى يت تالادى

ايماقتار • 24 قازان، 2020

ۇقساس جاڭالىقتار