سۇراۋ سالىنعان قازاقستاندىقتاردىڭ 98%-ى مەملەكەت باسشىسىنىڭ 11 قازاندا وتكەن ۇكىمەتتىڭ كەڭەيتىلگەن وتىرىسىندا ايتقان بارلىق باستامالارى مەن تاپسىرمالارىن قولدايدى.
«ساراپشى» قوعامدىق قورى ەلىمىزدىڭ بارلىق وڭىرلەرىندە قۋات ۇنەمدەۋ جانە تكش-ءنى جاڭعىرتۋ پروبلەمالارى بويىنشا الەۋمەتتىك ساۋالداما وتكىزدى.
سۇراۋ سالىنعان قازاقستاندىقتاردىڭ 98%-ى مەملەكەت باسشىسىنىڭ 11 قازاندا وتكەن ۇكىمەتتىڭ كەڭەيتىلگەن وتىرىسىندا ايتقان بارلىق باستامالارى مەن تاپسىرمالارىن قولدايدى.
«ساراپشى» قوعامدىق قورى ەلىمىزدىڭ بارلىق وڭىرلەرىندە قۋات ۇنەمدەۋ جانە تكش-ءنى جاڭعىرتۋ پروبلەمالارى بويىنشا الەۋمەتتىك ساۋالداما وتكىزدى.
تكش-لەردىڭ جاي-كۇيى باسقارۋ جۇيەسىنىڭ تيىمسىزدىگىمەن جانە تكش كاسىپورىندارىنىڭ قاناعاتتانعىسىز قارجىلىق جاعدايىمەن سيپاتتالادى. كاسىپورىندار جۇمىسىنىڭ تيىمسىزدىگى سالدارىنان سۋدىڭ جانە باسقا دا رەسۋرستاردىڭ بوسقا شىعىندالاتىنى اتاپ وتىلەدى. وسىعان بايلانىستى, ۇستىمىزدەگى جىلدىڭ 11 قازانىندا سويلەگەن سوزىندە قازاقستان پرەزيدەنتى ۇكىمەتكە: «اۋەلى قۋات ۇنەمدەۋدىڭ بازالىق ماسەلەلەرىن شەشۋ قاجەت», دەپ ناقتى تاپسىرما بەردى.
زەرتتەۋ ناتيجەلەرىنە قاراعاندا, سۇراۋ سالىنعان قازاقستاندىقتاردىڭ 98%-ى مەملەكەت باسشىسىنىڭ 11 قازاندا وتكەن ۇكىمەتتىڭ كەڭەيتىلگەن وتىرىسىندا ايتقان بارلىق باستامالارى مەن تاپسىرمالارىن قولدايدى.
ۇكىمەت 2011 جىلى قابىلداعان تۇرعىن ءۇي-كوممۋنالدىق شارۋاشىلىعىن جاڭعىرتۋدىڭ 2020 جىلعا دەيىنگى كەزەڭگە ارنالعان باعدارلاما كۇنى بۇگىنگە دەيىن ەلدەگى قالالار مەن كەنتتەر تۇرعىندارى ءۇشىن جاقسى تانىس ەمەس.
قازاقستاندىقتاردىڭ «تكش-ءنى جاڭعىرتۋدىڭ 2020 جىلعا دەيىنگى كەزەڭگە ارنالعان باعدارلاماسى» اياسىندا وتكىزىلگەن شارالار تۋرالى حاباردارلىعى.
رەسپۋبليكالىق ساۋالدامانىڭ قورىتىندىلارى تۇرعىن ءۇي يەلەرى – باعدارلامالارعا قاتىسۋشىلاردىڭ وتكىزىلگەن شارالارعا اركەز قاناعاتتانا بەرمەيتىنىن ايعاقتايدى.
قازاقستاندىقتاردىڭ 66,7%-ى – باعدارلامالارعا قاتىسۋشىلار باعا مەن جۇرگىزىلگەن جوندەۋ جۇمىستارى ساپاسىنىڭ سايكەستىگىنە قاناعاتتانبايدى; رەسپوندەنتتەردىڭ 65,4%-ى سىلاق-سىرلاۋ جۇمىستارىنا كوڭىلدەرى تولمايدى; 55,6%-ى جەرتولەلەردىڭ قازىرگى جاعدايىنا ريزا ەمەس; سۇرالعانداردىڭ 51,9%-ى توبە جابىندىسى مەن كارىز جۇيەسىنە ءجۇرگىزىلگەن جوندەۋ جۇمىستارى ناتيجەسىن سىنايدى; 48,1%-ى ەلەكترمەن قامتاماسىز ەتۋ جۇيەسىنە ءجۇرگىزىلگەن جوندەۋ جۇمىستارىنا قاناعاتتانبايدى; ۇشتەن ءبىرى ءۇيدى سۋمەن جانە جىلۋمەن قامتاماسىز ەتۋ بويىنشا جۇرگىزىلگەن جوندەۋ جۇمىستارىنا كوڭىلدەرى تولمايدى.
