ء"بىز قازىر تۇماۋعا قارسى ۆاكتسينانى بەلسەندى جۇرگىزىپ جاتىرمىز. بارلىعىنا قاشىقتىق ساقتاۋدى, ەمحانالارعا قاجەتسىز بارماۋدى ۇسىنامىز. ەمحانالار جانىندا ءموبيلدى توپتار جۇمىس ىستەيدى. ناۋقاستار call-ورتالىقتار ارقىلى ولاردى شاقىرا الادى. ءموبيلدى توپ شىعىپ, جاعدايىن باعالاپ, قاجەتتى شارالاردى قابىلدايدى. ەگەر دەنە قىزۋى بولسا, ۇيدە قالىپ, مامانداردى شاقىرۋ قاجەت", دەدى زۋحرا وماروۆا.
قالپىنا كەلتىرۋ مەديتسيناسىنىڭ دارىگەرى ايگۇل سولتانبەك ەمحانا جانىنداعى سالاۋاتتى ءومىر سالتى كابينەتىنىڭ قىزمەتكەرلەرى اتا-انالارمەن جانە بالالارمەن الدىن الۋ شارالارى بويىنشا قوسىمشا ءتۇسىندىرۋ جۇمىستارىن جۇرگىزەتىنىن اتاپ ءوتتى.
"كۇزدىڭ باستالۋىنا بايلانىستى تۇماۋ, جرۆي سياقتى ماۋسىمدىق اۋرۋلاردىڭ ءورشۋ ىقتيمالدىلىعى جوعارى. ەڭ باستىسى – تازالىقتى ساقتاۋ. ال بالالارعا قاتىستى ايتارىمىز, ولارعا ارتىق شارشاتپاۋ كەرەك. سونداي-اق كۇندەلىكتى ءومىردى دۇرىس قالىپتاستىرۋ قاجەت – بۇل تولىققاندى ۇيقى جانە دۇرىس تاماقتانۋ. دەنە جاتتىعۋلارىن ورىنداۋ, سونىڭ ىشىندە كوزگە ارنالعان جاتتىعۋلار جاساۋ ۇسىنىلادى. كوپتەگەن بالالار ونلاين وقىپ جاتقاندىقتان, بالالار بولمەسىندە اۋا الماسۋدى قامتاماسىز ەتۋ ماڭىزدى", دەدى ا.سولتانبەك.
