• 07 قاراشا, 2013

پاۆلوداردا تۇرمە باسشىلارى 62 ملن. تەڭگەنى قولدى ەتكەن

387 رەت

كورسەتىلدى

2 مين

وقۋ ءۇشىن

Egemen Qazaqstan

08-11-13-pavlodar-tiurma

پاۆلودار وبلىسى قىلمىستىق اتقارۋ جۇيەسى كوميتەتى باسقارماسىنىڭ بۇرىنعى باسشىلارى وبلىس ورتالىعىندا تۇرمە قۇرىلىسىن سالۋ كەزىندە 62 ملن. تەڭگەدەن استام اقشانى تالان-تاراجعا سالعان. بۇل تۋرالى ايماق قارجى پوليتسياسىنىڭ دەرەگىنە سۇيەنگەن Tengrinews.kz ءتىلشىسى حابارلادى. پاۆلوداردا ومىرلىك جازاعا كەسىلگەندەر تۇرمەسى قۇرىلىسىن قۇرىلىسىن سالۋ كەزىندە بيۋدجەتتىڭ اقشاسىن ۇرلاۋعا وبلىستىق قىلمىستىق اتقارۋ جۇيەسى كوميتەتى باسقارماسىنىڭ بۇرىنعى باستىعى مەن ونىڭ ەكى ورىنباسارىنىڭ قاتىستارى بولىپ شىقتى. تەرگەۋدىڭ مالىمەتتەرى بويىنشا, ورىنباسارلار وسى قىزمەتتەرىن 2005 جىلدان 2008 جىلعا دەيىن اتقارعان. قىلمىستىق ىستەر ماتەريالدارىندا سونداي-اق باسقارمانىڭ بۇرىنعى باسشىسىنا جەكە ءوندىرىس ارنالعانى ايتىلعان. سوت قۇرىلىس-ەكونوميكالىق ساراپتاماسىنىڭ قورىتىندىسىندا قۇرىلىستىڭ كولەمى مەن وزىندىك قۇنى ءىس جۇزىندە اتقارىلعان جۇمىستارعا سايكەس كەلمەيتىنى اتاپ كورسەتىلگەن. بۇدان باسقا, اتقارىلعان جۇمىستار رەتىندە اكتىدە كورسەتىلگەنىمەن, ورىندالماي قالعان جۇمىستاردىڭ اۋقىمى 62 ملن. تەڭگەدەن اساتىن بولىپ شىقتى. «پاۆلودار وبلىستىق قىلمىستىق اتقارۋ جۇيەسى كوميتەتى باسقارماسىنىڭ باسشىلىعى 2007 جىلى مەنشىكتى ءۇشىنشى قولعا وتكىزۋ ماقساتىندا «ەڭبەك-تاس» مەملەكەتتىك كوممۋنالدىق كاسىپورنىمەن قىلمىستىق كەلىسىمگە كەلگەن. سونىڭ ناتيجەسىندە كاسىپورىن قازاقستان قىلمىستىق اتقارۋ جۇيەسى كوميتەتىنىڭ بۇيرىعىنا سايكەس «حيمپروم» اكتسيونەرلىك قوعامىنىڭ ەكى بوس تۇرعان كورپۋسىن 1500 ورىندىق ايرىقشا رەجىمدەگى تۇزەتۋ كولونياسىنا اينالدىرۋعا ارنالعان جاڭعىرتۋ جۇمىستارىنىڭ باس مەردىگەرى بولىپ تابىلدى», - دەپ حابارلادى قارجى پوليتسياسىنان. سوت قولتاڭبالىق ساراپتاماسى «ەڭبەك-تاس» مكك ديرەكتورىنىڭ جالعان اكتىلەرگە قول قويۋ ارقىلى 18 ملن. تەڭگەدەن ارتىق اقشانى ۇرلاعانىن انىقتادى. ونىڭ ورىنباسارى قىزمەتتىك جالعاندىق جاساۋ ارقىلى ءىس جۇزىندە ورىندالماعان جالپى قۇنى 20 ملن. تەڭگەنى قۇرايتىن قۇرىلىس-قۇراستىرۋ جۇمىستارىنىڭ اتقارىلعانى جونىندەگى اكتىگە قول قويعان. وسىعان بايلانىستى بۇل تۇلعالارعا دا قىزمەتتىك جالعاندىق, بيۋدجەت قارجىسىن تالان-تاراجعا سالۋ, سونداي-اق الاياقتىق باپتارى بويىنشا ايىپ تاعىلىپ وتىر. ەسكە سالا كەتەيىك, پاۆلوداردا اتالمىش تۇرمەنىڭ قۇرىلىسىن سالۋ 2004 جىلى باستالدى. وعان 3,86 ملرد. تەڭگە اقشا جاراتىلدى. بولىنگەن بارلىق اقشا تولىق يگەرىلدى. بىراق نىسان سول قالپى پايدالانۋعا بەرىلمەي قالدى. قۇرىش نۇرىمبەت.