حالقى كوپ, ونىڭ ىشىندە جۇمىسسىزى دا جەتەرلىك, نەگىزىنەن ورالمان اعايىنداردان قۇرالعان مۇنايلى اۋدانىندا اشىلعان ءاربىر جاڭا عيمارات, پايدالانۋعا بەرىلگەن ءاربىر الەۋمەتتىك نىسان – ۇلكەن جاڭالىق.
حالقى كوپ, ونىڭ ىشىندە جۇمىسسىزى دا جەتەرلىك, نەگىزىنەن ورالمان اعايىنداردان قۇرالعان مۇنايلى اۋدانىندا اشىلعان ءاربىر جاڭا عيمارات, پايدالانۋعا بەرىلگەن ءاربىر الەۋمەتتىك نىسان – ۇلكەن جاڭالىق.
جۋىردا اۋدان ورتالىعى ماڭعىستاۋ اۋىلىندا ورتالىق اۋداندىق ەمحانا قۇرىلىسى اياقتالىپ, حالىق يگىلىگىنە ۇسىنىلدى.
ءبىر اۋىسىمدا 250 ادامدى قابىلداي الاتىن ەمحانادان جۇكتى ايەلدەرگە كەڭەس بەرۋ بولمەسى, بالالار بولىمشەسى بولەك ورنالاسقان. اۋداندىق اۋرۋحانا باسشىلىعىنىڭ ايتۋىنشا, ەمحانا قاننىڭ ءارتۇرلى تالدامالارىن تەكسەرەتىن كوپ فۋنكتسيالى اپپاراتتارمەن, زاماناۋي قوندىرعىلارمەن جابدىقتالىپتى.
جىل سوڭىنا دەيىن مۇنايلى اۋدانىندا تاعى ءتورت دارىگەرلىك امبۋلاتوريانىڭ تۇساۋىن كەسۋ جوسپارلانعان. ال اۋرۋحانانىڭ دا قۇجاتتارى دايىندالىپ, «ديپلوممەن – اۋىلعا!» باعدارلاماسى اياسىندا 53 مەديتسينا قىزمەتكەرىنە بىرجولعى ءجاردەماقى جانە 7 مامانعا تۇرعىن ءۇي ساتىپ الۋعا بيۋدجەتتىك نەسيە تاعايىندالعان.
وقۋشىسىنا مەكتەپ جەتىسپەي, تۇرعىندارعا جۇمىس پەن ەمحانا جەتىسپەي, وقىرمانعا گازەت-جۋرنال جيناقتالىپ ءبىر-اق باراتىن, وبلىس ورتالىعىنا جاقىن بولسا دا الىس ورنالاسقان اۋدانداعى بۇل اۋىز تولتىرىپ ايتىپ, كوڭىل بىرلەيتىن جاڭالىق بولدى.
گۇلايىم شىنتەمىرقىزى,
«ەگەمەن قازاقستان».
ماڭعىستاۋ وبلىسى.
––––––––––––––––––
سۋرەتتى تۇسىرگەن:
سەرىك مايەمەروۆ.
