قازاقستاننىڭ دۇنيەجۇزى ەلدەرىمەن مادەني-گۋمانيتارلىق ىنتىماقتاستىعى جىلدان-جىلعا جاندانا تۇسۋدە. سونىڭ ءبىر ايعاعى 2012 جىلعى ماۋسىمدا مەملەكەت باسشىلارىنىڭ ۋاعدالاستىعىنا سايكەس 2013 جىلعى قاراشا ايىندا قىتايدا قازاقستاننىڭ مادەنيەت كۇندەرىن وتكىزۋ جوسپارلانعان بولاتىن. ال 2014 جىلى قازاقستاندا قحر مادەنيەت كۇندەرى وتكىزىلمەك.
قازاقستاننىڭ دۇنيەجۇزى ەلدەرىمەن مادەني-گۋمانيتارلىق ىنتىماقتاستىعى جىلدان-جىلعا جاندانا تۇسۋدە. سونىڭ ءبىر ايعاعى 2012 جىلعى ماۋسىمدا مەملەكەت باسشىلارىنىڭ ۋاعدالاستىعىنا سايكەس 2013 جىلعى قاراشا ايىندا قىتايدا قازاقستاننىڭ مادەنيەت كۇندەرىن وتكىزۋ جوسپارلانعان بولاتىن. ال 2014 جىلى قازاقستاندا قحر مادەنيەت كۇندەرى وتكىزىلمەك.
بۇعان, ارينە, ەڭ الدىمەن ەكى ەل باسشىلارىنىڭ جەمىستى كەزدەسۋلەرىنىڭ ناتيجەسى زور ىقپال ەتىپ وتىرعاندىعى ايتپاساق تا تۇسىنىكتى. ءارىسىن ايتپاعاندا, وسى جىلعى قىركۇيەك ايىندا قىتاي حالىق رەسپۋبليكاسىنىڭ توراعاسى سي ءتسزينپيننىڭ قازاقستان پرەزيدەنتى نۇرسۇلتان نازارباەۆتىڭ شاقىرۋى بويىنشا ءبىزدىڭ ەلىمىزگە جاساعان مەملەكەتتىك ساپارىنىڭ قورىتىندىسى جوعارىداعى قاعيداتتىڭ شىندىققا جاناسىمدى ەكەنىن تاعى ءبىر مارتە دالەلدەدى.
ۇستىمىزدەگى جىلدىڭ ءساۋىر ايىندا بەيجىڭدە قازاقستان كينوسىنىڭ اپتالىعى ءوتتى. جالپى, قازاقستاننىڭ قىتايداعى ەلشىسى ن.ەرمەكباەۆتىڭ ايتۋى بويىنشا, قازاقستان مەن قىتايدىڭ ءتۇرلى شىعارماشىلىق ۇجىمدارى ەكى ەلدىڭ ايماعىندا وتەتىن حالىقارالىق شارالارعا ۇنەمى قاتىسىپ كەلەدى. ءبىزدىڭ ەلىمىز كينو كورسەتۋ جانە كىتاپ باسۋ سالاسىندا دا بىرلەسە ارەكەت ەتۋدە. ماسەلەن, قازاقستاندا قىتاي جازۋشىسى لو گۋانچجۋاننىڭ روماندارى قازاقشاعا اۋدارىلۋ ۇستىندە. بۇل اتالعان شارا قازاقستاننىڭ مادەنيەت جانە اقپارات مينيسترلىگى مەن قىتاي حالىق رەسپۋبليكاسىنىڭ ءباسپاسوز, راديو, كينو جانە تەلەۆيدەنيە, باق مەملەكەتتىك باسقارماسىنىڭ كومەگى ارقاسىندا جۇزەگە اسقانى بەلگىلى. وسى ورايدا «مەنىڭ بالالىق شاعىمنىڭ اسپانى», «جاۋجۇرەك مىڭ بالا», «ماحاببات تالكەگى», «جويۋشى» جانە «شال» سەكىلدى قازاقستاندىق فيلمدەر كورسەتىلدى.
سول سياقتى, جاقىندا قىتاي حالىق رەسپۋبليكاسىنىڭ استاناسى – بەيجىڭ قالاسىندا قىتاي تىلىندە جارىق كورگەن «ەلىن سۇيگەن, ەلى سۇيگەن ەلباسى. قازاقستان رەسپۋبليكاسىنىڭ پرەزيدەنتى تۋرالى وچەركتەر» كىتابىنىڭ تۇساۋكەسەرى ءوتتى. كىتاپ اۆتورى – قازاقستان رەسپۋبليكاسى پرەزيدەنتى كەڭسەسىنىڭ باسشىسى, ساياسي عىلىمدار دوكتورى, پروفەسسور ماحمۇت قاسىمبەكوۆ ناقتى فاكتىلەردەن قۇرالعان ماتەريالداردىڭ, بىرەگەي مۇراعاتتىق قۇجاتتاردىڭ نەگىزىندە مەملەكەت باسشىسىنىڭ كوپقىرلى تۇلعاسىن ادام, ازامات, ەلباسى رەتىندە كورسەتە ءبىلدى.
ساراپشىلاردىڭ سوزدەرىنە قاراعاندا, قازاقستاننىڭ قىتايداعى مادەنيەت كۇندەرىنە وتە ۇلكەن ماڭىز بەرىلدى. بۇل تۇرعىدا العاندا ەكى ەلدىڭ اراسىنداعى ءوزارا مادەني بايلانىس جايى جانە ەكى جاقتى دوستىق قارىم-قاتىناس بارىسى اشىق ايتىلدى. سونىڭ ايعاعىنداي, قىتايدىڭ مەملەكەتتىك ۇلكەن تەاترىندا قازاقستاننىڭ كلاسسيكالىق مۋزىكاسىنىڭ ماقتانىشى – قۇرمانعازى اتىنداعى اكادەميالىق وركەسترى ونەر كورسەتسە, قۇرىلتايشىسى «ن.نازارباەۆ مادەنيەت, ءبىلىم جانە الەۋمەتتىك باعدارلامالار قورى» بولىپ تابىلاتىن قازاقستان بي ونەرىنىڭ ۇلتتىق كوركى – Astana Ballet حورەوگرافيالىق ۇجىمىنىڭ حالىقارالىق تۇساۋكەسەرى ءوتتى. ءسويتىپ, اتالعان ۇجىم الەمدىك جانە ۇلتتىق حورەوگرافيالىق ونەردىڭ ءداستۇرلى ارتىقشىلىعىن ايشىقتايتىن ايرىقشا كونتسەرتتىك باعدارلامانى ۇسىندى. سوندىقتان دا بۇل كەشكە كەلگەن قىتاي كورەرمەندەرى كەرەمەت كۇيگە بولەندى.
گالا-كونتسەرت باعدارلاماسىنا قازاقستاندىق جانە الەمدىك مۋزىكالىق مادەنيەت مۇراسىنان كلاسسيكالىق, سونداي-اق قازىرگى تاڭداعى وپەرانىڭ شىعارمالارى, ۆوكالدى-اسپاپتى جانە بي ونەرى قامتىلدى. بۇعان قوسا, قىتايدىڭ ۇلتتىق مۇراجايىندا مادەنيەت جانە اقپارات مينيسترلىگىنىڭ ۇيىمداستىرۋىمەن « ۇلى دالا قازىناسى» اتتى كورمەنىڭ اشىلۋ سالتاناتى ءوتتى. التىن بۇيىمداردان تۇراتىن بۇل ەكسپوناتتار كەشەنى الەمدى تاۋەلسىز قازاقستانىمىزدىڭ باي مادەني مۇراسىمەن, تاريحىمەن, ونەرىمەن جانە داستۇرلەرىمەن تانىستىرىپ, شىنايى دا مازمۇندى مالىمەتتەر بەردى.
ەندى بۇدان كەيىن قۇرمانعازى اتىنداعى اكادەميالىق وركەسترىنىڭ گالا-كونتسەرتى ءۇرىمجى قالاسىندا ودان ءارى جالعاسىن تاپپاق.
الەكساندر تاسبولاتوۆ,
«ەگەمەن قازاقستان» –
بەيجىڭنەن.
--------------------------------------
سۋرەتتى تۇسىرگەن
ەرلان وماروۆ,
«ەگەمەن قازاقستان».
