پارلامەنت • 28 قىركۇيەك، 2020

ماۋلەن اشىمباەۆ: بۇگىن - قازاق ادەبيەتى كۇنى دەسەك ارتىق ەمەس

44 رەت كورسەتىلدى

قر سەنات سپيكەرى ماۋلەن اشىمباەۆ قازاق ادەبيەتىنىڭ ءۇش بىردەي الىبى - مۇحتار اۋەزوۆتىڭ، شەرحان مۇرتازانىڭ جانە ورالحان بوكەيدىڭ تۋعان كۇنىنە وراي فەيسبۋكتەگى پاراقشاسىندا جازبا قالدىردى، دەپ حابارلايدى Egemen.kz

"بۇگىن قازاق ادەبيەتى كۇنى دەسەك، ارتىق بولا قويماس. ويتكەنى 28 قىركۇيەك – ادەبيەتىمىزدىڭ ءۇش بىردەي الىبى مۇحتار اۋەزوۆتىڭ، شەرحان مۇرتازانىڭ جانە ورالحان بوكەيدىڭ تۋعان كۇندەرى. قايتالانباس تۋىندىلارىمەن ۇلتتىڭ جوعىن تۇگەندەگەن جانە ۇرپاققا وشپەس وسيەت قالدىرعان ءسوز زەرگەرلەرىنىڭ مۇراسىن دارىپتەۋ – بىزگە مىندەت"، دەدى ماۋلەن اشىمباەۆ. 
⁣⁣⠀
وسى رەتتە سەنات سپيكەرى قازاقتىڭ ءار بالاسى اۋەزوۆتى، شەرحان مۇرتازانى جانە "التايدىڭ كەربۇعىسى" اتانعان ورالحاندى مىندەتتى تۇردە وقۋ كەرەك ەكەنىن اتاپ ءوتتى. 
 
"سول ارقىلى ءبىز ابايدى تانيمىز جانە ءسوزدىڭ قۇدىرەتىن زەردەلەۋگە، ۇلتتىق بولمىسىمىزدىڭ ءسان-سالتاناتىنا زەر سالۋعا مۇمكىندىك الامىز. ەڭ باستىسى، وركەنيەتتىڭ شىڭىنا جەتەلەيتىن كىتاپ وقۋ دەگەن قاعيدانىڭ قادىر-قاسيەتىن تۇسىنەمىز.⁣⁣ زاڭعار جازۋشىلارىمىزدىڭ جاتقان جەرلەرى جارىق، توپىراقتارى تورقا بولسىن!"، دەدى ول. 
سوڭعى جاڭالىقتار

ۇقساس جاڭالىقتار