كەشە اقوردادا قازاقستان رەسپۋبليكاسىنىڭ مەملەكەتتىك حاتشىسى مارات ءتاجيننىڭ توراعالىعىمەن شەتەلدە كادرلار دايارلاۋ جونىندەگى رەسپۋبليكالىق كوميسسياسىنىڭ وتىرىسى ءوتتى.
كەشە اقوردادا قازاقستان رەسپۋبليكاسىنىڭ مەملەكەتتىك حاتشىسى مارات ءتاجيننىڭ توراعالىعىمەن شەتەلدە كادرلار دايارلاۋ جونىندەگى رەسپۋبليكالىق كوميسسياسىنىڭ وتىرىسى ءوتتى.
مەملەكەتتىك حاتشى وتىرىستى اشا وتىرىپ, كوميسسيا مۇشەلەرىن «بولاشاق» حالىقارالىق ستيپەندياسىنىڭ 20 جىلدىعىمەن قۇتتىقتادى جانە مەملەكەت باسشىسىنىڭ جەكە باستاماسىمەن تاعايىندالعان ستيپەنديا باسەكەگە قابىلەتتى ۇلت قالىپتاستىرۋعا باعىتتالعان اسا ماڭىزدى سەرپىندى جوبالاردىڭ بىرىنە اينالعانىن اتاپ ءوتتى. «بولاشاق» تۇلەكتەرى بۇگىندە قوعام ءومىرى مەن مەملەكەتتىڭ بارلىق سالاسىندا ەڭبەك ەتۋدە, «قازاقستان-2050» ستراتەگياسىن ىسكە اسىرۋعا لايىقتى ۇلەستەرىن قوسۋدا.
رەسپۋبليكالىق كوميسسيا شەشىمىنە سايكەس, 66 ادام ماگيستراتۋرا (64 ادام) جانە دوكتورانتۋرا (2 ادام) باعدارلامالارى بويىنشا «بولاشاق» حالىقارالىق ستيپەندياسىنىڭ يەگەرى اتاندى, ولار ۇلىبريتانيا, اقش, اۆستراليا, كانادا, قحر جانە شۆەيتساريانىڭ جەتەكشى جوعارى وقۋ ورىندارىندا ءبىلىم الاتىن بولادى.
تاڭداپ الىنعان ماماندىقتار اۋقىمى دا ايتارلىقتاي كەڭ. ولاردىڭ اراسىندا اقپاراتتىق تەحنولوگيالار مەن اقپاراتتىق قاۋىپسىزدىك, ەكونوميكا, قارجى جانە اۋديت, تۋريزم مەن سپورت سالالارىنداعى مەنەدجمەنت, لينگۆيستيكا جانە اۋدارما ءىسى ماماندىقتارى بار.
جاقسىباي سامرات,
«ەگەمەن قازاقستان».
