ۇكىمەت باسشىسى وسى ماسەلەگە بايلانىستى ءتيىستى ورىندار جۇمىسىن سىنعا الدى
ۇكىمەت ۇيىندە پرەمەر-مينيستر سەرىك احمەتوۆ ازىق-ت ۇلىكتىڭ جانە جانار-جاعارمايدىڭ نەگىزگى تۇرلەرىنىڭ باعالارى جونىندە سەلەكتورلىق كەڭەس وتكىزدى, دەپ حابارلادى پرەمەر-ءمينيستردىڭ ءباسپاسوز قىزمەتى.
ۇكىمەت باسشىسى وسى ماسەلەگە بايلانىستى ءتيىستى ورىندار جۇمىسىن سىنعا الدى
ۇكىمەت ۇيىندە پرەمەر-مينيستر سەرىك احمەتوۆ ازىق-ت ۇلىكتىڭ جانە جانار-جاعارمايدىڭ نەگىزگى تۇرلەرىنىڭ باعالارى جونىندە سەلەكتورلىق كەڭەس وتكىزدى, دەپ حابارلادى پرەمەر-ءمينيستردىڭ ءباسپاسوز قىزمەتى.
كەڭەستى اشقان پرەمەر-مينيستر 11 قازانداعى ۇكىمەتتىڭ كەڭەيتىلگەن وتىرىسىندا مەملەكەت باسشىسىنىڭ تۇراقتاندىرۋ قورلارىنىڭ قىزمەتىنە قاراماستان بىرقاتار الەۋمەتتىك ماڭىزداعى ونىمدەر باعالارىنىڭ ايتارلىقتاي وسكەنىنە نازار اۋدارعانىن باسىپ ايتتى.
ستاتيستيكا اگەنتتىگىنىڭ ءتوراعاسى ءاليحان سمايىلوۆ حابارلاعانداي, اعىمداعى جىلدىڭ 10 ايىندا ەلدەگى ينفلياتسيا 3,6 پايىز دەڭگەيىندە قالىپتاستى. جىلدىڭ قورىتىندىسى بويىنشا ينفلياتسيا 5,5 پايىزدان اسپايدى دەپ كۇتىلۋدە.
«جالپى العاندا, وتكەن 10 ايداعى ينفلياتسيا كولەمى جوعارى ەمەس جانە جىلدىڭ قورىتىندىسى بويىنشا بولجانعان ماننەن اسپايدى. دەگەنمەن, ەلدەگى ينفلياتسيانىڭ وسىنداي تومەن دەڭگەيىنە قاراماستان, بىرقاتار وڭىرلەردە الەۋمەتتىك ماڭىزى بار جەكەلەگەن ازىق-ت ۇلىك باعالارى ءوسىپ وتىر. ماسەلەن, جىل باسىنان بەرى ءسۇت تاۋارلارى جانە جارما ونىمدەرى باعالارىنىڭ ەلەۋلى ءوسۋى بايقالۋدا», – دەدى ءا.سمايىلوۆ.
پاستەرلەنگەن ءسۇت باعاسى اقمولا, باتىس قازاقستان وبلىستارىندا جانە الماتى قالاسىندا 6-9 پايىزعا, ايران باعاسى اقتوبە, قاراعاندى, وڭتۇستىك قازاقستان وبلىستارىندا جانە استانا قالاسىندا 6-11 پايىزعا وسكەن. تاۋىق جۇمىرتقاسى جامبىل, قاراعاندى, ماڭعىستاۋ وبلىستارىندا 7-دەن 23 پايىزعا دەيىن قىمباتتاعان. سونداي-اق, بىرقاتار وڭىرلەردە سارىماي, جارمالار, سۇزبە جانە نان قىمباتتاعان.
ءا.سمايىلوۆتىڭ ايتۋىنشا, باعالاردىڭ وسۋىنە ازىق-ت ۇلىك تاۋارلارىنىڭ يمپورتى سەبەپ بولعان, ونىڭ ۇستىنە يمپورت كولەمدەرى ءوسۋ ۇستىندە.
باسەكەلەستىكتى قورعاۋ جونىندەگى اگەنتتىكتىڭ توراعاسى بولاتبەك قۋاندىقوۆ الەۋمەتتىك ازىق-ت ۇلىك تاۋارلارىنىڭ باعالارىن تالداۋ ناتيجەلەرىمەن تانىستىردى, وندا جارما مەن ماكارون ونىمدەرىنە باعالار وسكەنى كورسەتىلگەن.
«جۇمىرتقا باعالارىنىڭ ءوسۋ فاكتىلەرى بويىنشا پاۆلودار جانە سولتۇستىك قازاقستان وبلىستارىنىڭ نارىق سۋبەكتىلەرىنە قاتىستى باسەكەگە قارسى جاسىرىن كەلىسىلگەن ءىس-قيمىل ارەكەتتەرىنىڭ بولعان نەمەسە بولماعاندىعىن تەكسەرۋدى باستادىق. تامىزدان باستاپ قازانعا دەيىنگى ارالىقتا كوتەرمە ساۋدا باعاسى بۇل ءوڭىرلەردە 60 پايىزدان استامعا ارتتى. الدىن الا تالداۋ كورسەتكەندەي, باعالاردىڭ كەنەتتەن ارتۋىنا سەبەپ جوق. دەمەك, جۇمىرتقا باعاسى الىپساتارلىق تۇردەگى كەلىسىم شەڭبەرىندە ارتتىرىلدى دەگەن بولجام بار», – دەپ حابارلادى ب.قۋاندىقوۆ.
2013 جىلى ول باسقاراتىن اگەنتتىك ازىق-ت ۇلىك نارىعى سۋبەكتىلەرىنە قاتىستى 7 تەكسەرۋ جۇرگىزىپتى. سونىڭ ناتيجەسىندە 10 نارىق سۋبەكتىسىنىڭ انتيمونوپوليالىق زاڭنامانى بۇزۋى فاكتىلەرى انىقتالعان. باسقا دا بىرقاتار تەكسەرۋلەر جۇرگىزىلۋدە.
«باعانىڭ ارتۋىنا نە سەبەپ؟ دومينانتتاردىڭ كەلىسىمى قاي جەردە ءجۇرگىزىلەدى؟ دالەلدەر مەن ناقتى سەبەپتەرسىز باعا نەگە وسەدى؟ وسىعان تۇراقتى تۇردە تالداۋ جۇرگىزۋلەرىڭىز كەرەك», – دەپ تالاپ ەتتى ۇكىمەت باسشىسى ب.قۋاندىقوۆتان.
«الەۋمەتتىك نانعا قاتىستى. وبلىس اكىمى ءبىرىنشى سۇرىپتاعى نانعا باعانىڭ تۇراقتىلىعىن قامتاماسىز ەتە الماي ما؟ اۋىل شارۋاشىلىعى مينيسترلىگى وڭىرلەردى ۇنمەن قامتاماسىز ەتۋ ماسەلەسىن نەگە شەشپەيدى؟ كەز كەلگەن ءوڭىر تۇراقتاندىرۋ قورلارىنان ۇن الا الادى. نانعا قاتىستى وسى ماسەلەلەردى شەشۋىمىز كەرەك. جەر-جەرلەردەگى اكىمدەر وسىمەن اينالىسۋى ءتيىس», – دەپ تاپسىردى س.احمەتوۆ بۇدان كەيىنگى سوزىندە.
كەڭەس بارىسىندا تمرا باسشىسى مۇرات وسپانوۆ اعىمداعى جىلدىڭ سوڭىنا دەيىن اي-92/93 ماركالى بەنزيننىڭ باعاسى شەكتى مولشەردەن ارتپايتىنىن مالىمدەدى.
«قازىر مونيتورينگ جۇرگىزىلىپ جاتىر جانە مۇناي جانە گاز مينيسترلىگىنىڭ مالىمەتىنشە, باررەل قۇنى تومەندەۋدە. ەگەر 30 كۇن بويى تومەندەۋ مولشەرى 5 اقش دوللارى كولەمىندە ساقتالسا, ناقتى العاندا 92/93 بەنزينگە باعا 5 تەڭگەگە تومەندەيدى», – دەپ سەندىردى ول.
مۇناي جانە گاز ءمينيسترى ۇزاقباي قارابالين دە جىلدىڭ سوڭىنا دەيىن اي-92/93 ماركالى بەنزين باعالارىنىڭ ارتۋىنا سەبەپ جوقتىعىن العا تارتتى.
«جانار-جاعارماي باعاسىنىڭ تۇراقتىلىعى وتە ماڭىزدى ماسەلە. سىزدەر جاڭا اعىمداعى جىلدىڭ سوڭىنا دەيىن اي 92/93 ماركالى بەنزينگە باعا وسپەيتىندىگىن ايتتىڭىزدار. سونىمەن بىرگە, كەلەسى, 2014 جىلى جانار-جاعارماي باعاسى قانداي بولاتىنىن ناقتى بولجاۋىمىز كەرەك», – دەپ باسىپ ايتتى س.احمەتوۆ.
كۇن تارتىبىندەگى ماسەلە بويىنشا اقتوبە, قوستاناي, الماتى, قاراعاندى, اقمولا وبلىستارىنىڭ اكىمدەرى ءسوز سويلەدى.
ۇكىمەت باسشىسى باعالاردىڭ وزگەرۋىنە «جاسىرىن كەلىسۋ» سەكىلدى ارەكەتتەردىڭ اسەر ەتەتىندىگىن اتاپ ءوتتى. وسىعان بايلانىستى, ەكونوميكا مينيسترلىگىنە اۋىل شارۋاشىلىعى مينيسترلىگى جانە باسەكەلەستىكتى قورعاۋ جونىندەگى اگەنتتىكپەن بىرلەسە وتىرىپ وڭىرلەرگە قاتىستى ازىق-ت ۇلىكتىڭ نەگىزگى تۇرلەرىنە باعالاردى بولجاۋ ادىستەمەسىن جاساۋدى تاپسىردى.
«الەۋمەتتىك ماڭىزى زور بولعاندىقتان باعالاردىڭ تۇراقتىلىق ماسەلەسى مينيسترلەردىڭ دە, اكىمدەردىڭ دە ەرەكشە باقىلاۋىندا بولۋى ءتيىس. اكىمدەرگە نارىقتى ازىق-ت ۇلىك تاۋارلارىمەن مولىقتىرۋ بويىنشا قوسىمشا شارالار قولدانۋدى جانە باعالاردى باقىلاۋدى كۇشەيتۋدى تاپسىرامىن», – دەپ قورىتىندىلادى وتىرىستى سەرىك احمەتوۆ.
