اۋىل بولعاندا دا باياناۋىلدىڭ تاۋ باۋرايىندا وتىرعان ەل-جۇرت – بىرلىك, تورايعىر, جاڭاجول, قاراتومار, كۇركەلى اتالاتىن اۋىلدار. راس, قازىر اۋىلدار اراسى سيرەدى. قالاعا كوشۋ ءۇردىسى ءالى دە جالعاسۋدا. سەناتور سۆەتلانا جالماعامبەتوۆانىڭ سەنات وتىرىسىندا ايتقانىنداي جالپى, وڭتۇستىكتىڭ تىعىز ورنالاسقان حالقىن شىنىندا دا سولتۇستىككە قاراي كوشىرمەسە, ءبىزدىڭ اۋىلداردىڭ بوس قالاتىن ءتۇرى بار. ەكىنشى ويلاناتىن ماسەلە, اۋىلداعى قازاقتىڭ الەۋمەتتىك-تۇرمىستىق جاعدايلارىن جاقسارتپاي بولمايدى. وسىدان ون شاقتى جىل بۇرىن باياناۋىلدىڭ جيىرما شاقتى اۋىلى بولاشاعى جوق سانالىپ, ءبىرجولا جوعالىپ تا كەتكەن بولاتىن-دى.
اۋىل بولعاندا دا باياناۋىلدىڭ تاۋ باۋرايىندا وتىرعان ەل-جۇرت – بىرلىك, تورايعىر, جاڭاجول, قاراتومار, كۇركەلى اتالاتىن اۋىلدار. راس, قازىر اۋىلدار اراسى سيرەدى. قالاعا كوشۋ ءۇردىسى ءالى دە جالعاسۋدا. سەناتور سۆەتلانا جالماعامبەتوۆانىڭ سەنات وتىرىسىندا ايتقانىنداي جالپى, وڭتۇستىكتىڭ تىعىز ورنالاسقان حالقىن شىنىندا دا سولتۇستىككە قاراي كوشىرمەسە, ءبىزدىڭ اۋىلداردىڭ بوس قالاتىن ءتۇرى بار. ەكىنشى ويلاناتىن ماسەلە, اۋىلداعى قازاقتىڭ الەۋمەتتىك-تۇرمىستىق جاعدايلارىن جاقسارتپاي بولمايدى. وسىدان ون شاقتى جىل بۇرىن باياناۋىلدىڭ جيىرما شاقتى اۋىلى بولاشاعى جوق سانالىپ, ءبىرجولا جوعالىپ تا كەتكەن بولاتىن-دى.
ەندى جەتپەگەنى وسى ەدى, جوعارىدا اتالعان 5 اۋىلدا پوشتا ءبولىمشەسى جابىلماقشى بولىپ وتىر. بۇل جايىندا بىزگە اۋداندا باسپاسوزگە جازىلۋ بارىسىنا ارناعان جولساپاردا بولعان كەزىمىزدە اۋداندىق پوشتا ءبولىمىنىڭ باسشىسى تولەۋعازى مۋسين ايتىپ بەردى.
– باياناۋىلدا پوشتا ءبولىمى اشىلعالى 100 جىلدان اسىپ كەتتى. ءبىزدىڭ ويىمىز اۋىلدارىمىزدا بۇرىننان كەلە جاتقان پوشتا بولىمشەلەرىن ساقتاپ قالۋدا بولىپ تۇر. گازەت-جۋرنالدارعا جازىلۋ, ونى تاراتۋ جايلى ءمۇمكىندىك بولماي دا قالادى. اۋىلدا پوشتا بولىمشەسى بولماسا, مەكتەپ جابىلسا, ەل كوشىپ كەتەتىنى بەلگىلى, – دەدى ول ءبىزبەن اڭگىمەسىندە. ايتسا ايتقانداي, بيىل «قازپوشتا» اق باسقارماسى ەلىمىز بويىنشا 320, ءبىزدىڭ وبلىس بويىنشا 52 پوشتا بولىمشەسىن ءتيىمسىز دەپ تاۋىپ, ولاردى جابۋ جونىندە شەشىم شىعارعان كورىنەدى. بىراق, «قازپوشتا» اق باسقارماسى ءتيىمسىز دەپ جاۋىپ تاستاماقشى بولىپ وتىرعان اۋىلداردىڭ ءبارىندە ەل وتىر عوي. ءتىپتى, باياناۋىلدىڭ ءبىرلىك, تورايعىر, جاڭاجول, قاراتومار, كۇركەلى اۋىلدارى اتىنا زاتى ساي قازاقىلىقتىڭ قالپىن بۇزباي وتىرعان ءبىرتوعا اۋىلدار. تولەۋعازى مۋسيننىڭ ايتۋىنشا, اۋىلداعى پوشتا ءبولىمشەلەرىن ساقتاپ قالۋدىڭ ءبىر جولى – اۋداندىق پوشتا ءبولىمى قىزمەت كورسەتەتىن بيۋدجەتتىك مەكەمەلەرگە قوسىمشا قارجى ءبولۋ. ال, اۋداننىڭ شالعايداعى اۋىلدارى سانالاتىن جاڭاتىلەك, قۇندىكول, قىزىلتاۋ, تەڭدىك, ۇزىنبۇلاق, جايما جاقتارىنا پوشتا جەتكىزۋ ءۇشىن اۆتوبۋس جۇرگىزۋشىلەرىمەن شارتقا وتىرىپ گازەت-جۋرنالدار جەتكىزەدى ەكەن. ويتكەنى, اۋداندىق پوشتا بولىمىندە پوشتا تاسيتىن بار-جوعى ەسكى 2 «نيۆا» كولىگى عانا بار كورىنەدى.
اۋدان بويىنشا گازەت جۋرنالدارعا جازىلۋ بارىسى دا تومەندەۋ ەكەنىن, ەندى قالعان ءبىر جارىم ايدا تىڭعىلىقتى تۇردە قولعا الىپ, جۇمىس جاساماسا, بيىلعى جىلدىڭ جازىلىمدارىنان كەش قالۋلارى دا مۇمكىن ەكەنىن ءىشكى ساياسات ءبولىمىنىڭ باسشىسى تالعات قىلىشبەكوۆتىڭ ەسىنە سالدىق. قايتاردا اۋدان اكىمى ەرنۇر ايتكەنوۆكە جولىعىپ, ماسەلەنىڭ ءمان-جايىن ايتىپ ەدىك, «قازپوشتا» اق باسقارماسى ءجۇرگىزىپ وتىرعان شاعىن اۋىلدارداعى پوشتا بولىمشەلەرىن وڭتايلاندىرۋ جۇيەسىندەگى بۇل ماسەلەگە تۇسىنىستىكپەن قارايمىز. ءبىراق, قازىر قولدان كەلگەنشە 5 اۋىلداعى پوشتا ءبولىمشەلەرىنىڭ جابىلماۋىن قاراستىرۋدامىز, – دەدى.
فاريدا بىقاي,
«ەگەمەن قازاقستان».
پاۆلودار وبلىسى.
