ايماقتار • 27 قىركۇيەك، 2020

اتىراۋدى كوگالداندىرۋعا 4،69 ملرد تەڭگە ءبولىندى

57 رەت كورسەتىلدى

اتىراۋ قالالىق اكىمدىگى ءباسپاسوز قىزمەتىءنىڭ اقپاراتىنا سۇيەنسەك، مەملەكەتتىك-جەكەشەلىك ارىپتەستىك باعدارلاماسى اياسىندا قالانى كوگالداندىرۋ جۇمىستارىن جەكە سەرىكتەسكە بەرۋ جونىندە شەشىم قابىلدانىپ وتىر، دەپ حابارلايدى Egemen.kz.

«جوبانى ىسكە اسىرۋ مەرزىمى – 5 جىل، جالپى سوماسى4،69 ملرد تەڭگەدەن استام. بيىل «اتىراۋ قالاسىن كوگالداندىرۋ» مەملەكەتتىك-جەكەشەلىك ارىپتەستىك جوباسى اياسىندا 375 مىڭ گۇل ەگىلدى. قالانىڭ 38 كوشەسىندە، 15 ساياباعى مەن الاڭىندا ەگىلگەن وسكىندەرگە، اعاشتارعا، الاڭى 40 612 شارشى مەتر گۇلزارلارعا، بۇتالى قورشاۋلارعا كۇتىم جاسالادى. سورعى ستانتسيالارى مەن سۋارۋ جۇيەلەرىنە كەزەڭ-كەزەڭىمەن اعىمداعى جوندەۋ جۇرگىزىلۋدە. بيىل 2019 جىلمەن سالىستىرعاندا اعاشتاردىڭ جالپى سانى مەملەكەتتىك-جەكەشەلىك ارىپتەستىك باعدارلاماسى بويىنشا 5 154-كە عانا ۇلعايدى. كۇزگى كەزەڭگە ۇزىندىعى 700 قۋما مەتر بۇتالى قورشاۋ وتىرعىزۋ جوسپارلانعان. سونداي-اق، قالانىڭ تاريحىن قالپىنا كەلتىرۋ ماقساتىندا 1،5 گا الاڭدا «سۋتياگين باعى» اتالاتىن جەمىس باعى جانداندى. جەڭىس ساياباعى اۋماعىندا جەمىس اعاشتارى ەگىلدى. قازىر وىڭ 900-ءى تامىر جايدى»، دەپ حابارلادى قالالىق اكىمدىكتىڭ ءباسپاسوز قىزمەتى.

سونداي-اق، بيىل قالانىڭ 12 كوشەسىندە 200 شاقىرىمدىقسۋارۋ جەلىسىن جاڭعىرتۋ اياقتالادى. ەكولوگيا، گەولوگيا جانە تابيعي رەسۋرستار مينيسترلىگى جانە قالا جۇرتشىلىعىمەنءبىرگە كومپانيالارعا اتىراۋ قالاسىنىڭ اۋماعىندا جاسىل جەلەكتەردى وتىرعىزۋدى، ءوسىرۋدى مىندەتتەيتىن جول كارتاسى قابىلداندى. بۇل ءۇشىن ولارعا جەر تەلىمدەرى بولىنەدى.

سوڭعى جاڭالىقتار

ۇقساس جاڭالىقتار