رۋحانيات • 25 قىركۇيەك، 2020

شىعىستا جازۋشى ءمۇسىنى تۇعىرعا قوندى

204 رەت كورسەتىلدى

جازۋشى، پۋبليتسيست ديداحمەت ءاشىمحان ۇلىنىڭ تۋعانىنا 70 جىل تولۋىنا وراي التايدىڭ تورىندە ەسكەرتكىش ورناتىلدى، دەپ حابارلايدى Egemen.kz

جازۋشىنىڭ ۇلى داۋلەت ءاشىمحاننىڭ مۇرىندىق بولۋىمەن باستالعان يگى ىسكە كاتونقاراعاي اۋدانىنىڭ بىرقاتار كاسىپكەرى قولداۋ كورسەتكەن.

– ەرتەڭگى ۇرپاق ءبىلىپ ءجۇرسىن دەگەن نيەتتە تۋعان جەرىنە اكەمنىڭ ءمۇسىنىن قويۋدى ءجون كوردىم. ءسويتىپ الىبەك اسقاروۆ اعامىزبەن اقىلداسا كەلە ىسكە كىرىستىك. قولداۋ كورسەتكەن جەرلەس اعايىندارعا راقمەت، – دەيدى جازۋشىنىڭ ۇلى داۋلەت ديداحمەت ۇلى.

جازۋشى ءارى سۋرەتشى الىبەك اسقاروۆ ءمۇسىننىڭ جاسالۋىنا يدەيا قوسىپ، باسى-قاسىندا جۇرگەن. ال ءمۇسىننىڭ اۆتورى رينات ابەنوۆ التى اي ىشىندە قالامگەردىڭ كەسكىن-كەلبەتىن اينىتپاي كەلتىرگەن ەكەن. تۇعىرىنا جازۋشىنىڭ اتى-جونىمەن قاتار، ومىرلىك ۇرانى بولىپ كەتكەن اۆتورلىق ولەڭ جولدارى دا قاشالىپتى:

ءومىردى سۇيگەن، ادامدى سۇيگەن جۇرەكپەن،

قالاممەن مىناۋ قاعازعا تالاي گۇل ەككەم.

قازاقتىڭ جانىن قازاقتىڭ قارا سوزىمەن،

بوزالا تاڭنان "تالتۇسكە" دەيىن جىر ەتكەم.

ءيا، ديداحمەت ءاشىمحان قازاقتىڭ جوعىن جوقتاعان جازۋشى. "سارى ساماۋىر"، "جەر اڭساعان سارىاتان"، "تاسقالا"، "جىندى جەل" سىندى شىعارمالارى ۇلت مۇددەسى ءۇشىن جازىلعان ەدى.  

سوڭعى جاڭالىقتار

ۇقساس جاڭالىقتار