كاتوليكتىك جانە پروتەستانتتىق شىركەۋلەر جانە افروامەريكالىق زاڭگەرلەر ءۇزىلدى-كەسىلدى قارسى بولعانىمەن, اقش-تىڭ يللينويس شتاتىندا ءبىر جىنىستىلاردىڭ نەكەگە تۇرۋىنا زاڭدىق نەگىزدە رۇقسات بەرىلدى. بۇل تۋرالى Baltinfo اقپاراتتىق اگەنتتىگى حابارلادى.
يللينويس شتاتى باس اسسامبلەياسىنىڭ تومەنگى پالاتاسىندا گەيلەرگە جانە لەسبياندارعا ءبىر-بىرىمەن نەكەگە وتىرۋعا رۇقسات بەرۋدى كوزدەيتىن زاڭ جوباسى داۋىسقا ءتۇسىپ, ناتيجەسىندە اتالعان قۇجاتتىڭ «جولى بولدى».
بۇل زاڭدى پالاتا وكىلدەرىنىڭ 61-ءى قولداعان, ال 54-ءى قارسى داۋىس بەرگەن.
ەندى بۇل قۇجات يللينويس شتاتىنىڭ گۋبەرناتورى پاتريك كۋيننعا قول قويۋ ءۇشىن جىبەرىلەدى.
ساياسي مانسابىن وسى وڭىردەن باستاعان اقش پرەزيدەنتى باراك وباما يللينويس شتاتى باس اسسامبلەياسىنىڭ مىنبەرىندە ءبىر جىنىستىلارعا «باتاسىن بەردى». ول ءوز سوزىندە: «مەن پرەزيدەنت رەتىندە گەيلەر مەن لەسبيانداردىڭ وسىنداي ادىلدىك پەن تەڭدىككە قول جەتكىزۋلەرى ءتيىس دەپ ەسەپتەيمىن. ارقاشان وسىلاي ويلاپ كەلدىم. ءبىر جىنىستىلار دا ءوزارا ۇيلەنۋ قۇقىعىنا يە بولۋلارى كەرەك. ءبىر جىنىستىلاردىڭ نەكەگە وتىرۋى ەندى زاڭدىق تۇرعىدا قورعالاتىنىنا ايەلىم ميشەل ەكەۋمىز قۋانامىز», – دەدى.
وسىلايشا اقش گەيلەر مەن لەسبيانداردىڭ «كوڭىلىن اۋلاعان» ەلدەردىڭ قاتارىنا قوسىلدى. بۇگىنگە دەيىن ءبىر جىنىستىلاردىڭ نەكەلەسۋىنە 14 ەل زاڭ جۇزىندە رۇقسات بەرگەن بولاتىن.
جولدىباي بازار.
