وڭتۇستىك قازاقستان • 25 قىركۇيەك، 2020

تۇركىستاندا نەگىزگى كاپيتالعا باعىتتالعان ينۆەستيتسيا كولەمى 260 ملرد تەڭگە بولدى

12 رەت كورسەتىلدى

بيىلعى 8 ايدىڭ قورىتىندىسىمەن تۇركىستان وبلىسىنىڭ نەگىزگى كاپيتالىنا باعىتتالعان ينۆەستيتسيا كولەمى 260 ملرد تەڭگەنى قۇرادى. وتكەن جىلدىڭ ءتيىستى كەزەڭىمەن سالىستىرعاندا بۇل كورسەتكىش 28%-عا وسكەن. اتالعان سومانىڭ 41،5% پايىزىن جەكە ينۆەستيتسيالار قۇراپ وتىر، دەپ حابارلايدى Egemen.kz

وڭىرلىك كوممۋنيكاتسيالار قىزمەتىندە وتكەن بريفينگتە تۇركىستان وبلىسىنىڭ ينۆەستيتسيا جانە ەكسپورت باسقارماسىنىڭ باسشىسى يسا قۇدابەكوۆ وسىنداي دەرەكتەر كەلتىردى.

"وڭىردە 2020-2024 جىلدارعا ارنالعان ينۆەستيتسيالىق جوبالار پۋلى قۇرىلعان. مۇنىڭ اياسىندا 1،8 ترلن تەڭگە سوماعا 201 جوبا قولعا الىنىپ وتىر. بۇگىنگى كۇنى 2020 جىلعى جوبالاردان 31،5 ملرد  تەڭگە سوماسىنا 9 جوبا ىسكە قوسىلىپ، 407 جۇمىس ورنى اشىلدى. ال شەتەلدىڭ قاتىسۋىمەن 25،8 ملرد تەڭگە سوماسىنا 2 جوبا جۇزەگە اسىرىلىپ، 160 جۇمىس ورنى اشىلدى"،  دەدى باسقارما باسشىسى.

1

سونداي-اق يسا قۇدابەكوۆ وبلىس اكىمىنىڭ باسشىلىعىمەن ستراتەگيالىق سيپاتتاعى ينۆەستورلاردىڭ ماسەلەلەرىن قارايتىن ينۆەستيتسيالار تارتۋ جونىندەگى وڭىرلىك كەڭەس جۇمىس ىستەيتىنىن اتاپ ءوتتى. ال ينۆەستيتسيالار تارتۋ جانە ەكسپورتتى دامىتۋ جونىندەگى Turkistan Invest وڭىرلىك اگەنتتىگى ينۆەستورلار ءۇشىن فرونت-وفيس قىزمەتىن اتقارادى جانە ء"بىر تەرەزە" قاعيداتى بويىنشا قولداۋ كورسەتەدى. بيىل جۇزەگە اسقان 9 جوبا Turkistan Invest اگەنتتىگىنىڭ تىكەلەي سۇيەمەلدەۋىمەن ىسكە قوسىلعان.

سوڭعى جاڭالىقتار

ۇقساس جاڭالىقتار