قوعام • 25 قىركۇيەك، 2020

نۇر-سۇلتاندا "دەنساۋلىق - زور بايلىق" مارافونى باستالدى

9 رەت كورسەتىلدى

نۇر-سۇلتاندا جاس وتباسىلارعا ارنالعان "دەنساۋلىق – زور بايلىق" مارافونى باستالدى، دەپ حابارلايدى Egemen.kz قالا اكىمدىگىنىڭ ءباسپاسوز قىزمەتىنە سىلتەمە جاساپ.

“سپورتقا بەيىمدى وتباسى” اتاعى ءۇشىن قاتىسۋشىلار 21 كۇن ىشىندە ەڭ از قاشىقتىقتا ءبىر شاقىرىم جۇگىرەدى. بۇل جاعدايدا قاتىسۋشىلار كۇن سايىن جۇگىرۋ باعىتى مەن كۇنىن كورسەتەتىن قوسىمشادان سكرينشوتتاردى جىبەرۋى كەرەك، سونىمەن قاتار ءۇش فوتوسۋرەت پەن بەينە ترەنينگتەردى قوسا بەرۋى كەرەك.

"مارافون "وتباسى – باقىت مەكەنى" جوباسى اياسىندا وتباسى اراسىنداعى تولىق سەنىم، قولداۋ، ماحاببات اتموسفەراسىندا سپورتتىق رۋحتى تاربيەلەۋ جانە نىعايتۋ ماقساتىندا وتكىزىلەدى. وتباسىلىق جۇگىرۋ دەنساۋلىققا جاۋاپكەرشىلىكپەن قاراۋدى قالىپتاستىرۋعا، سپورتتى ناسيحاتتاۋعا، جاس وتباسىلار اراسىندا سالاۋاتتى ءومىر سالتىن ۇستانۋعا ىقپال ەتۋى ءتيىس"، – دەپ اتاپ ءوتتى قالالىق جاستار ساياساتى ماسەلەلەرى باسقارماسىنان.

جارىس سوڭىندا 20 جەڭىمپاز انىقتالادى. ولار 50 مىڭ تەڭگە سوماسىنا سپورتتىق تاۋارلارعا نەمەسە تۇرمىستىق تەحنيكا مەن ەلەكترونيكاعا ارنالعان ديپلومدارمەن، گۇلدەرمەن جانە سەرتيفيكاتتارمەن ماراپاتتالادى.

"بايقاۋعا مارافون باستالعانعا دەيىن رەسمي تۇردە نەكەلەرىن تىركەگەن نۇر-سۇلتان قالاسىندا تۇراتىن جاس وتباسىلار قاتىسا الادى. ەرلى-زايىپتىلاردىڭ بىرەۋىنىڭ نەمەسە ەرلى-زايىپتىلاردىڭ جاسى 29 جاستان اسپاۋى كەرەك.

قابىلداۋ 27 قىركۇيەك كۇنى ساعات 18-گە دەيىن سوزىلادى. بايقاۋعا قاتىسۋ ءۇشىن جاس وتباسىلار Strava، TrainingPeaks، Wahoo ELEMNT Companion، map my ride by Under Armour، Relive، RUNMETER Running&Cycling GPS قوسىمشالارىنىڭ بىرىندە، IOS نەمەسە Android پلاتفورماسىندا تىركەلۋى كەرەك.

تىركەۋ كەزىندە نەكەنى تىركەۋ تۋرالى كۋالىكتىڭ جانە بار بولعان جاعدايدا بالالاردىڭ تۋ تۋرالى كۋالىگىنىڭ كوشىرمەلەرىن قوسا بەرۋ قاجەت. تەلەفون نومىرلەرى، تۇراتىن اۋدانى، الەۋمەتتىك جەلىلەردەگى اككاۋنتتار، وتباسى مۇشەلەرىنىڭ سانى سياقتى بايلانىس اقپاراتىن elorda.otbasy@gmail.com ەلەكتروندىق پوشتاعا جىبەرۋ قاجەت نەمەسە +7 777 273 43 83 تەلەفون نومىرىنە"، - دەيدى ۇيىمداستىرۋشىلار.

سونداي-اق مارافونشىلارعا ينستاگرامدا @ns_jastary، @elorda.otbasy اككاۋنتتارىنا جازىلۋ قاجەت.

ەستەرىڭىزگە سالا كەتەيىك، قىركۇيەك ايىنىڭ باسىندا نۇر-سۇلتاندا "وتباسى – باقىت مەكەنى" وتباسى ينستيتۋتىن نىعايتۋ جوباسى باستالدى. ونىڭ اياسىندا ءۇش جىل بويى جاستاردى وتباسىن دۇرىس قۇرۋعا ۇيرەتەتىن بولادى. جوبا اۋقىمدى باعدارلامانى كوزدەيدى جانە سەمينارلار، ونلاين-ترەنينگتەر، بايقاۋلار، فاكۋلتاتيۆتىك ساباقتار جانە ت.ب. قامتيدى.

سوڭعى جاڭالىقتار

ۇقساس جاڭالىقتار