پارلامەنت • 25 قىركۇيەك، 2020

ن.نىعماتۋلين: دەپۋتاتتار ءبىلىم تۋرالى زاڭ جوباسىنا باستاماشى بولدى

50 رەت كورسەتىلدى

بۇگىن ءماجىلىس سپيكەرى نۇرلان نىعماتۋليننىڭ توراعالىعىمەن پالاتا بيۋروسى ءوتىپ، الداعى جالپى وتىرىستىڭ كۇن ءتارتىبى ناقتىلاندى، دەپ حابارلايدى Egemen.kz

ءماجىلىس ءبىرىنشى وقىلىمدا دەپۋتاتتار ازىرلەگەن ءبىلىم بەرۋ ماسەلەلەرىنە قاتىستى زاڭ جوباسىن قارايدى. قۇجات ءبىلىم بەرۋ قىزمەتىن ۇسىنۋدى باقىلاۋدى قوسا العاندا، وقۋ ۇدەرىسىن جاقسارتۋعا باعىتتالعان.

سونىمەن قاتار پالاتانىڭ الداعى جالپى وتىرىسىندا قازاقستان مەن بەلارۋس اراسىنداعى كوشى-قون سالاسىنداعى ىنتىماقتاستىق تۋرالى كەلىسىمدى راتيفيكاتسيالاۋ تۋرالى جوباسىن قاراۋ ۇسىنىلادى. سولاردىڭ قاتارىندا مەملەكەتتىك شەكارا تۋرالى زاڭ جوباسى ەكىنشى وقىلىمدا قارالماق.

بۇدان وزگە، كۇن تارتىبىندە ەۋرازيالىق ەكونوميكالىق وداق تۋرالى شارتقا وزگەرىستەر ەنگىزۋ تۋرالى حاتتامانى راتيفيكاتسيالاۋ تۋرالى زاڭ جوباسىن جۇمىسقا الۋ كوزدەلگەن.

سوڭعى جاڭالىقتار

ۇقساس جاڭالىقتار