ەلوردا • 24 قىركۇيەك، 2020

ەلوردادالىق 1815 جۇرگىزۋشى جول اپاتىنان كەيىن وقيعا ورنىنان قاشىپ كەتكەن

4 رەت كورسەتىلدى

ەلوردادا جىل باسىنان بەرى 1815 جۇرگىزۋشى جول-كولىك اپاتىنان كەيىن وقيعا ورنىنان بوي تاسالاعان، دەپ حابارلايدى Egemen.kz

ماسەلەن، نۇر-سۇلتان قالالىق پوليتسيا دەپارتامەنتىنىڭ مالىمەتىنشە، وسى جىلدىڭ تامىز ايىندا 102 نومىرىنە قوڭىراۋ شالعان ەلوردا تۇرعىنى تاۋەلسىزدىك داڭعىلى بويىنداعى تۇراقتا "Ravon Nexia R3" كولىگىن بەلگىسىز كولىكتىڭ قاعىپ، جۇرگىزۋشىسى وقيعا ورنىنان كەتىپ قالعاندىعىن حابارلاعان.

"نۇر-سۇلتان قالالىق پد جەرگىلىكتى پوليتسيا قىزمەتى ىزدەستىرۋ باسقارماسىنىڭ قىزمەتكەرلەرى ىزدەۋ شارالارى بارىسىندا ەلوردانىڭ 39 جاستاعى تۇرعىنىن ۇستادى. ول 10 تامىز كۇنى ساعات شامامەن 17.00-دە تاۋەلسىزدىك داڭعىلىنداعى تۇراقتا "گاز 2705" كولىگىمەن ارقا جىلجىپ كەلە جاتىپ، "Ravon Nexia R3" كولىگىن سوعىپ كەتكەنى انىقتالدى. بۇعان قوسا، تەكسەرۋ بارىسىندا اتالعان ازاماتتا ساقتاندىرۋ ءپوليسى بولماعانى بەلگىلى بولدى"، دەدى ۆەدومستۆو وكىلدەرى.

اكىمشىلىك سوت شەشىمىمەن ەلوردا تۇرعىنى قر اكىمشىلىك قۇقىق بۇزۋشىلىق كودەكسىنىڭ بىرنەشە بابىمەن جاۋاپكەرشىلىككە تارتىلىپ، 66 672 تەڭگە ايىپپۇل تولەدى. سونىمەن قاتار ول 1 جىلعا جۇرگىزۋشى كۋالىگىنەن ايىرىلدى.

وسىعان وراي نۇر-سۇلتان قالالىق پوليتسيا دەپارتامەنتى جۇرگىزۋشىلەرگە جول ءجۇرىسى ەرەجەسىن ساقتاۋ قاجەتتىگىن ەسكەرتىپ وتىر. وقيعا ورنىنان قاشىپ كەتكەن جاعدايدا جۇرگىزۋشى كۋالىگىنەن ايىرىلادى. ەلوردادا جىل باسىنان بەرى 1815 جۇرگىزۋشى جول اپاتىنان كەيىن وقيعا ورنىنان بوي تاسالاعان.

سوڭعى جاڭالىقتار

ۇقساس جاڭالىقتار