قازاقستان • 24 قىركۇيەك، 2020

مەديتسينالىق ساقتاندىرۋ: قوردان PR ءۇشىن 214 ميلليون تەڭگە بولىنگەن

43 رەت كورسەتىلدى

الەۋمەتتىك مەديتسينالىق ساقتاندىرۋ قورى PR-عا 214 ميلليون تەڭگە ءبولدى. بۇل تۋرالى وكق بريفينگىندە امسق باسقارما توراعاسى بولات توكەجانوۆ ايتتى، دەپ حابارلايدى Egemen.kz

"مەديتسينالىق ساقتاندىرۋ قورىنىڭ بيۋدجەتىندە PR ءۇشىن جالپى كولەمى 214 ميلليون تەڭگە قاراجات كوزدەلگەن. تيىسىنشە، الدىڭعى باسشىلىقپەن شارتتار جاسالدى، مىسالى، "Global Corporation" جشس-مەن باق-تا اقپارات جاريالاۋ تۋرالى 54،1 ميلليون تەڭگەگە ءبىر شارت جانە 57،1 ميلليون تەڭگە سوماسىنا "Nomad Lider" جشس كومپانياسىمەن SMM-سۇيەمەلدەۋ تۋرالى شارت جاسالدى. بۇگىندە مامىر مەن 10 شىلدە ارالىعىندا كورسەتىلگەن قىزمەتتەر ءۇشىن 37،4 ميلليون تەڭگە سوماسىندا تولەم جۇرگىزىلدى"، - دەپ حابارلادى توكەجانوۆ.

ونىڭ ايتۋىنشا، العاشقى كەلىسىم-شارت بۇزىلىپ، 16 ميلليون تەڭگەدەن استام قاراجات ۇنەمدەلگەن. 

"PR، قوردىڭ يميدجىنە جۇمسالاتىن شىعىنداردى وڭتايلاندىردىق، وندا 108 ميلليون تەڭگە بولعان. ءبىز حالىقپەن كەرى بايلانىستى ساقتاپ، تۇرعىنداردىڭ شاعىمدارىنا ۋاقىتىلى نازار اۋدارۋ ءۇشىن SMM-قىزمەت تۋرالى شارتتى قالدىردىق"، دەپ قوستى ول.

بۇعان دەيىن ول كوروناۆيرۋستىڭ ەكىنشى تولقىنى بولسا، قور 159 ميلليارد تەڭگەنى قايدا جۇمسايتىنىن ايتقان بولاتىن. قور باسشىسىنىڭ ايتۋىنشا، مەديتسينالىق ساقتاندىرۋ قورى دارىگەرلەرگە 73،7 ميلليارد تەڭگە تولەگەن.


 
 
سوڭعى جاڭالىقتار

ۇقساس جاڭالىقتار