06 قاراشا، 2013

باستاما

173 رەت كورسەتىلدى

نازارباەۆ ۋنيۆەرسيتەتىنىڭ قابىرعاسىندا العاش رەت قازاقتىڭ ۇلتتىق ميفولوگياسىن دارىپتەۋگە ارنالعان «Kaz Myth Fest» ستۋدەنتتىك فەستيۆالى ءوتتى. قازاقستاندىق وقۋ ورداسىنىڭ ستۋدەنتتىك كلۋبتارى «ەتنو-فەنتەزي» ۇلگىسىمەن ەرتەگى اڭىزدارداعى كەيىپكەرلەر الەمىنە ساياحات جاسادى.

 

نازارباەۆ ۋنيۆەرسيتەتىنىڭ قابىرعاسىندا العاش رەت قازاقتىڭ ۇلتتىق ميفولوگياسىن دارىپتەۋگە ارنالعان «Kaz Myth Fest» ستۋدەنتتىك فەستيۆالى ءوتتى. قازاقستاندىق وقۋ ورداسىنىڭ ستۋدەنتتىك كلۋبتارى «ەتنو-فەنتەزي» ۇلگىسىمەن ەرتەگى اڭىزدارداعى كەيىپكەرلەر الەمىنە ساياحات جاسادى.

نازارباەۆ ۋنيۆەرسيتەتى مەن «شابىت» شىعارماشىلىق سارايى ونەرپازدارىنىڭ بىرلەسۋىمەن مادەني شارا ۇيىمداستىرىلدى، مۋزىكانتتار قازاقتىڭ ۇلتتىق مۋزىكا اسپاپتارىندا وينادى، ۋنيۆەرسيتەتتىڭ ستۋدەنتتىك حورى مەن بي ۇجىمى ءوز ونەرلەرىن ورتاعا سالدى. جاستار ۇلتتىق ۇلگىدە بەزەن­دىرىلگەن اسقاباققا بايقاۋ وتكىزدى، قازاقى ورنەكتەردى ويۋ تەحنيكاسى بويىنشا شەبەرلىك-سىنىبى ۇيىمداستىرىلدى، ال ۋنيۆەرسيتەتتىڭ شەتەلدىك وقىتۋشىلارى وزدەرىنىڭ تاجىريبەلەرىمەن ءبولىستى. «The Birth of Kazakh» («قازاقتىڭ دۇنيەگە كەلۋى») سپەكتاكلىنىڭ ساحنالىق قويىلىمى مەن قازاقتىڭ ميفتىك كەيىپكەرلەرىنىڭ ديفيلەسى ءىس-شارانىڭ ەرەكشە كورىنىسى بولىپ تابىلدى.

ويىنشىلار «اسىق-بوۋلينگ» جانە «مەرگەن اڭشى» ۇلتتىق ويىندارىنا قاتىسىپ، كەشتىڭ قىزىقتى وتۋىنە قوماقتى ۇلەس قوستى. «شابىت» شىعارماشىلىق سارايى ستۋدەنتتەرىنىڭ سۋرەت كورمەسى ەرەكشە اسەر قالدىردى، ۇلتتىق ناقىشتا ورىندالعان شىعارمالارمەن بىرگە قازاقتىڭ ميف كەيىپكەرلەرىنىڭ سۋرەتتەرى دە كورمەدە ءوز ورنىن تاپتى.

ۇيىمداستىرۋشىلاردىڭ پىكىرى بويىنشا، ءىس-شارا ويداعىداي تياناقتالدى. «ءبىز ءىس-شارانى باتىس مادەنيەتىنىڭ ىقپالى تيمەگەن ۇلتتىق ناقىشتا ۇيىمداستىرۋعا تىرىستىق. ەگەر الداعى ۋاقىتتا قازاق­ستاننىڭ باسقا دا وقۋ ورىندارىنىڭ ستۋدەنتتەرى بىزگە قازاق ميفولوگياسىن دارىپتەۋدە قولداۋ كورسەتسە، نۇر ۇستىنە نۇر بولار ەدى»، دەدى نازارباەۆ ۋنيۆەرسيتەتى ينجەنەريا مەكتەبىنىڭ 1-كۋرس ستۋدەنتى تەمىرلان نۇرلانباەۆ.

«ەگەمەن-اقپارات».

سوڭعى جاڭالىقتار

9 سۋ قويماسى سالىنادى

ەكولوگيا • كەشە

ۇقساس جاڭالىقتار