ايماقتار • 24 قىركۇيەك، 2020

300-گە جۋىق شەتەل ازاماتىنا اتىراۋدا تۇراقتى قالۋعا رۇقسات ەتىلدى

14 رەت كورسەتىلدى

اتىراۋ وبلىسىندا جىل باسىنان بەرى 300-گە جۋىق شەتەل ازاماتى قازاقستان رەسپۋبليكاسىندا تۇراقتى تۇرۋعا رۇقسات الدى، دەپ حابارلايدى Egemen.kz.

وبلىستىق پوليتسيا دەپارتامەنتى ءباسپاسوز قىزمەتىنىڭ مالىمەتىنە سۇيەنسەك، اتىراۋ وبلىسىنا كەلىپ، تۇراقتى تۇرۋعا ءوتىنىم بەرگەندەردىڭ اراسىندا تمد ەلدەرىنىڭ ازاماتتارىمەن بىرگە، ۇلىبريتانيا، يتاليا، ءۇندىستان، تۇركيا سەكىلدى شەت مەملەكەتتەردىڭ وكىلدەرى دە بار. ولار وتباسى جاعدايىنا بايلانىستى قازاقستاندا تۇرۋعا رۇقسات الۋعا شەشىم قابىلداپ، كوشى-قون پوليتسياسىنا ءتيىستى وتىنىشپەن جۇگىنەدى.

سونىڭ ءبىرى – وزبەكستان رەسپۋبليكاسىنىڭ ازاماتى باقىت ەستەمىروۆا. ول قازاقستاندا تۇراقتى تۇرۋ ءۇشىن كوشى-قون پوليتسياسىنا قۇجات تاپسىرعان.

"وتكەن جىلدىڭ قازان ايىندا وزبەكستانداعى ەسەپتەن شىعىپ، كامەلەتكە تولماعان قىزىممەن قازاقستانعا كەلدىم. مەنىڭ كۇيەۋىم وسىندا تۇرادى. بىردەن تۇراقتى تۇرۋعا رۇقسات الۋ ءۇشىن ءوتىنىش بەردىم. قۇجات راسىمدەۋگە كوشى-قون پوليتسياسى كومەكتەستى. ماماندار راسىمدەۋ پروتسەدۋراسىن ەگجەي-تەگجەيلى ءتۇسىندىردى. ءوتىنىشىمدى كىدىرىسسىز قابىلدادى. تۇراقتى تۇرۋعا رۇقسات الدىم. ەندى قازاقستان رەسپۋبليكاسىنىڭ ازاماتتىعىن الۋ ءۇشىن قۇجات جيناقتاپ ءجۇرمىن"، دەيدى باقىت ەستەمىروۆا.



سوڭعى جاڭالىقتار

اتىراۋدا 9 بالانى يت تالادى

ايماقتار • 24 قازان، 2020

ۇقساس جاڭالىقتار