ايماقتار • 24 قىركۇيەك، 2020

قىزمەتتىك يت ءىز-ءتۇزسىز جوعالعان ايەلدىڭ ءمايىتىن تاۋىپ العان

86 رەت كورسەتىلدى

الماتىدا ءىز-ءتۇزسىز كەتكەن ايەلدىڭ دەنەسى قىزمەتتىك ءيتتىڭ كومەگىمەن تابىلدى، دەپ حابارلايدى Egemen.kz

ايەل 9 قىركۇيەكتە جوعالىپ كەتكەن. سودان بەرى ودان ەشقانداي حابار-وشار بولماپتى. ىزدەۋ-تەكسەرۋ امالدارى ناتيجەسىندە، قىزمەتتىك ءيتتىڭ كومەگىمەن ايەلدىڭ دەنەسى 23 قىركۇيەكتە  تابىلعان. جوعالعان ايەلدى ىزدەۋگە 5571 اسكەري ءبولىمىنىڭ جەدەل باتالونىنىڭ ساربازدارى قاتىستى.

ساعات 16.30 شاماسىندا قاتارداعى جاۋىنگەرلەر بەكاسلان جولداس پەن ازامات ماحان، سونداي-اق كينولوگيالىق قىزمەتتىڭ مامانى، ەفرەيتور ەركەبۇلان ومىرزاقوۆ ايەل جوعالۋى مۇمكىن اۋماقتى شولىپ شىققان. ولارمەن بىرگە نايتس اتتى قىزمەتتىك يت تە بولىپتى.

يت ۇستاۋشى يتكە ايەلدىڭ كۋرتكاسىنان يىسكەپ بەرىپ، بوساتادى. يت ءيىس ىزىمەن ءجۇرىپ ءوتىپ، اسكەري قىزمەتشىلەردى بۋتاكوۆكا وزەنىنىڭ ارناسىنا الىپ كەلگەن. ءمايىت سول ارادان تابىلىپتى. 

سوڭعى جاڭالىقتار

اتىراۋدا 9 بالانى يت تالادى

ايماقتار • 24 قازان، 2020

ۇقساس جاڭالىقتار