قوعام • 24 قىركۇيەك، 2020

انتيكور جۇرتشىلىقپەن ءوزارا ءىس-قيمىلدى نىعايتۋدا

18 رەت كورسەتىلدى

مەملەكەت باسشىسى قاسىم-جومارت توقاەۆ ءوزىنىڭ «جاڭا جاعدايداعى قازاقستان: ءىس-قيمىل كەزەڭى» اتتى حالىققا جولداۋىندا الداعى ساياسي رەفورمالاردىڭ حالىقتى ەل باسقارۋعا كەڭىنەن تارتۋعا باعىتتالۋى ءتيىس ەكەنىن اتاپ ءوتتى. مەملەكەتتىك ورگانداردىڭ شەشىم قابىلداۋداعى اشىقتىعى – ازاماتتىق قوعاممەن سىندارلى ديالوگتى قامتاماسىز ەتۋدىڭ باستى قىرى.

ازاماتتاردى سىبايلاس جەمقورلىققا قارسى ءىس-قيمىلعا كەڭىنەن جۇمىلدىرۋ ونى قابىلداماۋدى قالىپتاستىرۋدىڭ شەشۋشى فاكتورى رەتىندە انتيكوردىڭ كۇن تارتىبىندە ءبىرىنشى كەزەكتە تۇر.

قازىرگى تاڭدا اشىقتىق، قولجەتىمدىلىك جانە ترانسپارەنتتىلىك قاعيداتتارىمەن جۇرتشىلىقپەن جەمىستى ارىپتەستىك ءوزىنىڭ تيىمدىلىگىن كورسەتۋدە.

ارنايى مونيتورينگتىك توپ، اقپاراتتىق-اعارتۋشىلىق شتاب، «ادالدىق الاڭى»، «ادال كومەك»، «اشىق بيۋدجەت» جوبالىق كەڭسەلەرى، قوعامدىق كەڭەس جانە ۆەدومستۆونىڭ باسقا دا كونسۋلتاتيۆتىك-كەڭەسشى الاڭدارى تۇرمىستىق جەمقورلىقتى جويۋ، مەملەكەتتىك ورگانداردى ترانسفورماتسيالاۋ، قوعامدا پاراساتتىلىق يدەولوگياسىن ىلگەرىلەتۋ، حالىقتىڭ قۇقىقتىق ساۋاتتىلىعىن ارتتىرۋ ماسەلەلەرىندەگى اۋقىمدى وزگەرىستەردىڭ شىنايى قوزعاۋشىسىنا اينالدى.

مەملەكەتتىك باقىلاۋعا ازاماتتىق باقىلاۋ ينستيتۋتىن بالاما رەتىندە كۇشەيتۋ – مەملەكەت باسشىسىنىڭ تاپسىرماسى بويىنشا «قوعامدىق باقىلاۋ تۋرالى» زاڭدى قابىلداۋعا مۇمكىندىك بەرەدى.

انتيكور ۇكىمەتتىك ەمەس سەكتورمەن ءوزارا ىنتىماقتاستىڭ كوكجيەگىن كەڭەيتە وتىرىپ، ىشكى بيزنەس-ۇردىستەرگە باعىتتالعان بىرلەسكەن قىزمەتتىڭ جاڭا دەڭگەيىنە شىعادى.

ەندى اگەنتتىكتىكتىڭ اپتا سايىنعى اپپاراتتىق كەڭەستەرىنە ونىڭ بارلىق كونسۋلتاتيۆتىك-كەڭەسشى ينستيتۋتتارى قاتىسادى. ورتالىقتا جانە وڭىرلەردە جۇرتشىلىق وكىلدەرى قارالاتىن تاقىرىپتاردى تەڭ دارەجەدە تالقىلاۋعا قاتىسادى، قىزىقتىراتىن سۇراقتارىن قويادى، جەمقورلىققا قارسى ساياساتتى ودان ءارى جەتىلدىرۋ بويىنشا ءوز ۇسىنىستارى مەن ۇسىنىمدارىن ەنگىزەدى. سونداي-اق، ولار كەڭەستەردە قابىلدانعان شەشىمدەردىڭ ورىندالۋ بارىسىن باقىلاي الادى.

سونىمەن قوسا، انتيكوردىڭ تارتىپتىك كوميسسياسىنىڭ قۇرامىنا قازاقستان رەسپۋبليكاسى پرەزيدەنتىنىڭ جانىنداعى مەملەكەتتىك باسقارۋ اكادەمياسىنىڭ رەكتورى، اگەنتتىكتىڭ قوعامدىق كەڭەسىنىڭ مۇشەسى ەرلان ءابىل مەن سىبايلاس جەمقورلىققا قارسى ءبىرىنشى مەديا-ورتالىقتىڭ توراعاسى، «ادالدىق الاڭى» رەسپۋبليكالىق جوبالىق كەڭسەسىنىڭ جەتەكشىسى تولەگەن بايعۇلوۆ كىردى.

جەمقورلىقپەن كۇرەسۋشىلەر مۇنداي ءتاسىلدىڭ اگەنتتىك قىزمەتكەرلەرىنىڭ تارتىپتىك جانە ەتيكالىق ارەكەتتەرىنە قاتىستى فاكتىلەردى زەردەلەۋدە اشىقتىق پەن ادىلدىكتى قامتاماسىز ەتەتىنىنە سەنىمدى.

قارجىلىق قىزمەتتە بارىنشا اشىقتىققا قول جەتكىزۋ ماقساتىندا قازاقستان كاسىپكەرلەرىنىڭ قۇقىقتارىن قورعاۋ جونىندەگى ۋاكىلدىڭ كەڭەسشىسى، ارنايى مونيتورينگتىك توبىنىڭ مۇشەسى ولەگ ساۆەلەنكو مەن «Adal pharm» جوبالىق كەڭسەسىنىڭ جەتەكشىسى سەرىك ايداربەكوۆ مەملەكەتتىك ساتىپ الۋ جونىندەگى ۆەدومستۆولىق كونكۋرستىق كوميسسيانىڭ قۇرامىنا ەنگىزىلدى.

سونداي-اق، ساتىپ الۋ راسىمدەرىنە «اتامەكەن» ۇكپ مەن «ادالدىق الاڭى» جوبالىق كەڭسەلەرىنىڭ ساراپشىلارى دا تارتىلادى. ولاردىڭ ساتىپ الىناتىن تاۋارلاردىڭ، جۇمىستار مەن كورسەتىلەتىن قىزمەتتەردىڭ تەحنيكالىق تاپسىرمالارى مەن ەرەكشەلىكتەرىنىڭ جوبالارىنا بەرگەن ساراپتامالىق قورىتىندىلارى الەۋەتتى جەتكىزۋشىلەرگە مەملەكەتتىك ساتىپ الۋ كونكۋرسىنا قاتىسۋ كەزىندە تەڭ مۇمكىندىكتەر بەرۋ ءۇشىن قاجەت.

سوڭعى جاڭالىقتار

اتىراۋدا 9 بالانى يت تالادى

ايماقتار • 24 قازان، 2020

ۇقساس جاڭالىقتار