الەم • 24 قىركۇيەك، 2020

COVID-19 كەسىرىنەن 60 مىڭنان استام جاپوندىق جۇمىسسىز قالدى

12 رەت كورسەتىلدى

جاپونيا ەڭبەك مينيسترلىگىنە سىلتەمە جاساعان NHK تەلەكانالى وسىلاي دەپ حابارلايدى.

بيىلعى قاڭتاردىڭ سوڭى مەن 23 قىركۇيەك ارالىعىندا 60 439 ادامنىڭ جۇمىسسىزدار قاتارىن تولىقتىرعانىن مالىمدەگەن مينيسترلىك ناقتى سانداردىڭ ودان دا جوعارى بولۋ مۇمكىندىگىن جوققا شىعارماپتى. ويتكەنى دالىرەك مالىمەتتەردىڭ ورتالىقتا ەمەس، وڭىرلىك ەڭبەك جانە جۇمىسپەن قامتۋ بيۋرولارىندا تىركەلەتىنىن العا تارتقان.

ستاتيستيكاعا ەنگىزىلگەن جۇمىسسىزدار قاتارىندا پاندەميا كەسىرىنەن ءوندىرىسىن توقتاتقان كومپانيالاردىڭ جۇمىسشىلارمەن ارادا ەڭبەك شارتتارىن دوعارۋىن ەسكەرگەن مينيسترلىك كاسىپورىندارعا مەملەكەتتەن سۋبسيديا الۋ ءۇشىن ءوتىنىش بەرۋگە بولاتىنىن ايتتى. سونىمەن قاتار ەڭبەك مينيسترلىگى جۇمىسسىزداردى ەڭبەكپەن قامتۋعا كومەككە ءازىر ەكەندىگىن دە ءمالىم ەتكەن.

سوڭعى جاڭالىقتار

ۇقساس جاڭالىقتار