تاعايىنداۋ • 24 قىركۇيەك، 2020

ءمادي تاكيەۆ الەۋمەتتىك-ەكونوميكالىق مونيتورينگ ءبولىمىنىڭ مەڭگەرۋشىسى بولىپ تاعايىندالدى

305 رەت كورسەتىلدى

مەملەكەت باسشىسىنىڭ وكىمىمەن ءمادي توكەش ۇلى تاكيەۆ قازاقستان رەسپۋبليكاسى پرەزيدەنتى اكىمشىلىگىنىڭ الەۋمەتتىك-ەكونوميكالىق مونيتورينگ ءبولىمىنىڭ مەڭگەرۋشىسى قىزمەتىنە تاعايىندالدى، دەپ حابارلايدى Egemen.kz پرەزيدەنتتىڭ ءباسپاسوز قىزمەتىنە سىلتەمە جاساپ.

ايتا كەتەيىك، بۇگىن مەملەكەت باسشىسىنىڭ وكىمىمەن ماقسات نۇرداۋلەت ۇلى مۇحانوۆ قازاقستان رەسپۋبليكاسى پرەزيدەنتى اكىمشىلىگىنىڭ الەۋمەتتىك-ەكونوميكالىق مونيتورينگ ءبولىمىنىڭ مەڭگەرۋشىسى قىزمەتىنەن بوساتىلدى.

ءمادي تاكيەۆ 1978 جىلى 1 ساۋىردە الماتى وبلىسىندا دۇنيەگە كەلگەن. ول قازاق مەملەكەتتىك باسقارۋ اكادەمياسىن "بۋحگالتەرلىك ەسەپ جانە اۋديت" ماماندىعى بويىنشا، د.قوناەۆ اتىنداعى گۋمانيتارلىق ۋنيۆەرسيتەتىن "قۇقىقتانۋ" ماماندىعى بويىنشا، سونداي-اق حالىقارالىق بيزنەس ۋنيۆەرسيتەتىن "ىسكەرلىك اكىمشىلدەندىرۋ ماگيسترى" ماماندىعى بويىنشا تامامداعان.

ەڭبەك جولى:

1998-2012 جج. – الماتى قالاسى بويىنشا سالىق دەپارتامەنتىندە جۇمىس ىستەگەن.

2012-2013 جج. – قازاقستان رەسپۋبليكاسى قارجى مينيسترلىگىنىڭ سالىق كوميتەتى باسقارماسىنىڭ باستىعى.

2013-2014 ج. – ۇلتتىق ەكونوميكا مينيسترلىگىنىڭ سالىق جانە كەدەن ساياساتى دەپارتامەنتىنىڭ ديرەكتورى.

2014 ج. – قازاقستان  پرەمەر-ءمينيسترى كەڭسەسىنىڭ الەۋمەتتىك-ەكونوميكالىق ءبولىمىنىڭ باس كەڭەسشىسى.

2014-2017 جج. – اتىراۋ وبلىسى بويىنشا مەملەكەتتىك كىرىستەر دەپارتامەنتىنىڭ باسشىسى.

2017-2019 جج. – قازاقستان رەسپۋبليكاسى قارجى مينيسترلىگى مەملەكەتتىك كىرىستەر كوميتەتىنىڭ سالىقتىق باقىلاۋ دەپارتامەنتىنىڭ ديرەكتورى.

2019 جىلدىڭ 12 ناۋرىزىنان – قازاقستان رەسپۋبليكاسى ۇلتتىق ەكونوميكا ۆيتسە-ءمينيسترى قىزمەتىندە بولدى.

مەملەكەتتىك ناگرادالارى: "ەرەن ەڭبەگى ءۇشىن"، "تاۋەلسىزدىككە 20 جىل" مەدالدارى جانە "سالىق قىزمەتىنىڭ ۇزدىگى".

سوڭعى جاڭالىقتار

ۇقساس جاڭالىقتار