قازاقستان • 24 قىركۇيەك، 2020

شەتەلدەگى تۇرمەلەردە قانشا قازاقستاندىق بار

23 رەت كورسەتىلدى

بۇل تۋرالى باس پروكۋروردىڭ ورىنباسارى مارات احمەتجانوۆ سەنات وتىرىسىندا ايتتى، دەپ حابارلايدى Egemen.kz.

باس پروكۋرور قازىر 735 قازاقستاندىق شەتەل اباقتىلارىندا جازاسىن وتەپ جاتقانىن ايتتى.

"ونىڭ 70 پايىزى رەسەيدە - 537 ازامات. ءبىزدىڭ ازامات بولعانىمەن، ولاردىڭ تۇرمىسى، جۇمىسى، وتباسى سول جاقتا. ەگەر قايتامىن دەسە، تولىق مۇمكىندىگى بار. سەبەبى ەكى ەل اراسىنداعى شارت بار"، دەدى ول. 

بۇگىن پارلامەنت سەناتىنىڭ وتىرىسىندا قازاقستان مەن بىرىككەن اراب امىرلىكتەرى اراسىندا "سوتتالعان ازاماتتاردى بەرۋ تۋرالى شارت" راتيفيكاتسياسى قارالدى.

ايتا كەتەيىك، بۇل زاڭ جوباسى بۇعان دەيىن ماجىلىستە ماقۇلدانعان.باس پروكۋروردىڭ ورىنباسارى مارات احمەتجانوۆ شارتتىڭ نەگىزگى ەرەكشەلىگىن ءتۇسىندىردى.

 

سوڭعى جاڭالىقتار

ۇقساس جاڭالىقتار